د طالبانو د عامې روغتیا وزارت چارواکو ویلي، چې په ۱۹ ولایتونو کې د پولیو یا د ماشومانو د ګذڼ ضد واکسین لړۍ پیل شوه.
رخشانه:د طالبانو د عامې روغتیا وزارت ویاند شرافت زمان امرخېل زیاته کړې، چې دغه لړۍ نن (دوشنبې د چنګاښ ۳۰مه) پیل شوه.
د هغه په وینا، دا لړۍ به درې ورځې دوام وکړي او هېواد په ۱۹ ولایتونو کې به له پنځو کلونو کم عمره کابو ۷.۳ میلیونه ماشومان واکسین تر لاسه کړي.
له پولیو پاک افغانستان پانې هم«نن اعلان کړی چې د هېواد په بېلا بېلو ولایتونو کې د پولیو واکسین نوې لړۍ پیل شوې ده.
دغه پانې نه ده روښانه کړې، چې د دې لړۍ په ترڅ کې به څومره ماشومان او په کومو ولایتونو کې واکسین تر لاسه کړي.
د یادونې ده، چې په روان میلادي کال کې د پولیو یا ماشومانو د ګذڼ دوه پېښې په بادغیس او هلمند ولایتونو کې ثبت شوې دي. افغانستان او پاکستان په نړۍ کې یوازې هغه دوه هېوادونه دي، چې تر اوسه د پولیو ویروس په له منځه وړلو نه دي بریالي شوي.
