د «موناکو طلايي پېښې نړیوالې جایزې» بنسټ اعلان کړی، چې افغان توکمه ډنمارکي فوټبالره نادیه ندیم د دغه بنسټ د ښځو څانګې د ۲۰۲۵ کال د «طلايي پښې» جایزې ګټونکې شوې ده.
رخشانه: دغه جایزه د پنشنبې په ورځ د (لیندۍ ۶ مه) د موناکو بادشاه، دویم آلبرت شاهزاده له خوا په یو لړ ځانګړو مراسمو کې دغې ښځینه فوټبالرې ته ډالی شوه.
د «موناکو طلايي پېښې نړیوالې جایزې» بنسټ د دې جایزې د ورکړې د انځور په خپرولو سره په خپله انسټاګرام پاڼه مېرمن ندیم ته لیکلي، چې هغه نه یوازې یوه غوره فوټبالره، بلکې هغه ښځه ده، چې کیسه یې «نړیوالو ته الهام بښوونکې» ده.
دغه بنسټ زیاته کړې، چې ندیم د «فوټبال له ډګره تر روغتون، د زده کړو له لارې د ښځو تر ځواکمنولو، د سپورت په وړاندې د خنډونو ماتولو پورې د ځواک، انعطاف منلو او هیلو تعریف دی.»
د «طلايي پېښې جایزه» د فوټبال د نړۍ له معتبرو جایزو څخه ده، چې له ۲۸ کلنۍ پورته لوبغاړو ته ورکول کېږي او هر لوبغاړی د ټول ژوند په دوران کې یوازې یو ځل دغه جایزه تر لاسه کولی شي.
د «موناکو طلايي پېښې نړیوالې جایزې» بنسټ نادیه ندیم د یونیسکو اتله، یوه ډاکتره او یوه بېلګه بللې او ویلي یې دي هغه لومړنۍ [افغان توکمه] ډنمارکي لوبغاړې ده، چې دغه غوره سپورتي جایزه یې تر لاسه کړې ده.
