د افغانستان د ولیبال ښځینه ملي لوبډلې د مرکزي آسیا زون ولیبال سیالیو په چوکاټ کې په خپله دویمه لوبه کې له مالدیو ولیبال ښځینه لوبډلې څخه ماته ومنله.
رخشانه: د دې دواړو لوبډلو تر منځ لوبه نن له ماسپښین وروسته (یکشنبې د لیندۍ ۳۰ مه) د مالدیو هېواد په ماله ښار کې تر سره شوه.
د هېواد د ولیبال ښځینه ملي لوبډلې په دې سیالۍ کې ۰-۳ په پایله کې مالدیو ته ماته وکړه.
دغې لوبډلې په درې پرلپسې پاڼیو کې ۲۵-۲۰،۲۵-۱۳ او ۲۵-۱۲ د مالدیو په وړاندې ماته وخوړه.
د هېواد د ولیبال ښځینه لوبډلې د دې سیالیو په لومړۍ لوبه کې هم د ۰-۳ په مقابل کې قرغیزستان ته لوبه بایللې وه.
په دې سیالیو کې د افغانستان، قرغیزستان، مالدیو، ترکمنستان او بنګله دېش ولیبال ملي لوبډلې ګډون لري.
طالبانو په واک ته رسېدو سره په افغانستان کې د ښځو هر ډول سپورتي فعالیتونه بند کړي او د ښځو لوبډلې په رسمیت نه پېژني.
