د رخشانې رسنۍ په اړه

رخشانه رسنۍ په کال ۱۳ ۹۹ کې جوړه شوې، دا یوه خپلواکه رسنۍ ده، چې ښځو اړوند موضوعات په داخلي او نړیوالو برخو کې تر پوښښ لاندې نیسي.

رخشانې رسنۍ د افغانستان په ټولنه کې د حاکمې فضا په درک کولو سره فعالیت پیل کړی، تر څو د وخت سره سم د ښځو په ملاتر په ټول افغانستان کې د شته وضعیت، دیموکراسۍ د پلي کېدو، برابرۍ او عدالت برخو کې برخه واخلي، د ښځو د پېښو په اړه اطلاعات رسنیز کړي او د ښځو ضد باورونو د رغاوي او له منځه وړلو لپاره ګامونه پورته کړي.

ټاکل شوې رخشانه د افغانستان په ټولو ولایتونو کې د ښځو د پوهاوي، معلوماتو، تحلیل او څېړنې په برخو کې فعالیت پیل کړي.

په لاندې لېنک کې د رخشانې رسنۍ په اړه زیات څه ولولۍ:

https://rukhshana.com/why-the-name-rukhshana-2

د رخشانې رسنۍ سیاست

رخشانه رسنۍ د هېواد د عامه رسنیو د قانون په رڼا او د بیان د آزادۍ اصل په پام کې نیولو سره، په افغانستان کې د ډیموکراسۍ، خلک واکۍ او بشري حقونو د آزادۍ د پیاوړتیا غوښتوونکې ده.

رخشانې تل د افغانستان د دولت او خلکو په ځانګړې توګه د ټولنې زیان منوونکي پاړکي «ښځو» د لاس ته راوړنو ملاتړ کړی او د خلک واکۍ او بشري حقونو د ارزښتونو ساتلو ته ژمنه ده.

رخشانه هڅه کوي، چې د ښځو اړوند خبرونه او موضوعات په وخت دقیقه او بې پرې توګه په بېړه ورسوي.

رخشانه د افغانستان په ګوټ ګوټ کې له ټولو ښځو غواړي، چې پر وړاندې یې د خنډونو او فرصتونو په اړه لیکنې وکړي تر څو له دې لارې یو له بله خبرې وکړو. موږ په دې باور یو تر څو د خنډونو او ستونزو په اړه خبرې اترې ونه شي، حل لارې ورته نه شي پیدا کېدلی.

رخشانه رسنۍ د ورته راغلو مطالبو د خپرولو په پار مسوولیت نه لري، بلکې یوازې د افغانستان له ګوټ ګوټ څخه د ښځو د تحلیلونو او نظریاتو د خپرولو لپاره یو پلیټ فارم دی.