په افغانستان کې د ملګرو ملتونو د خوړو نړیوال پروګرام (WFP) اعلان کړی چې په افغانستان کې دوه پر درې هغه کورنۍ چې سرپرستي یې مېرمنې کوي د خوړولو برابرولو توان نه لري.
رخشانه: دې سازمان (پنشنبې د چنګاښ ۱۲ مه) په خپله ایکس پاڼه کې لیکلي: تېر کال یې ۱۰ میلیونه ښځو او ماشومانو ته چې د خوړو د نه خوندیتوب له امله تر ټولو ډېر اغیزمن شوي وو د ژوند ژغورونکي خوراکي توکو مرستې چمتو کړې وې.
د خوړو نړیوال پروګرام د طالبانو د واکمنۍ لاندې په افغانستان کې د خلکو د ژوند شرایطو په اړه خبرداری ورکړی او هغه یې ناوړه بللی دی.
یاد سازمان په دې هم ټینګار کړی، چې د دې وضعیت څخه د افغان وګړو د ژغورلو یوازینۍ لار د خوړو ملاتړ دی.
طالبانو د افغان ښځو او نجونو په اساسي حقونو او آزادیو باندې د سختو محدودیتونو لګولو سربېره، په دولتي دفترونو او خصوصي ادارو کې د دوی د کار کولو مخه نیولې ده.
نړیوالو سازمانونو تل د طالبانو د واکمنۍ پرمهال په افغانستان کې د بشري حقونو د وضعیت او د بشري ناورین د احتمال په اړه خبرداری ورکړی دی.
له ۱۳زره زیاتو کسانو د افغان کډوالو سره د «غیر انساني» چلند د درېدو غوښتنه کړې
له ایران څخه د افغان کډوالو د پراخ ایستلو وروسته، له ۱۳ زره زیاتو ایراني او افغان فعالانو، خبریالانو، فلم جوړونکو او وکړو د ایران حکومت ته یو لیک لیکلی او په هغه کې یې په هېواد کې د افغانانو سره د غیر انساني چلند د سمدستي بندېدو غوښتنه کړې ده.
رخشانه: د دې لیک لاسلیک کوونکو له ایراني اتباعو غوښتي چې د دې چلند په وړاندې غبرګون وښيي ترڅو د دوی چوپتیا د افغانانو په وړاندې د یادو چلندونو سره په همغږۍ او عامه غوښتنې په توګه تعبیر نه شي.
دوی ویلي، په ایران کې د «افغان ځپنه» چې په وروستیو میاشتو کې په چټکۍ سره روانه وه، په دې ورځو کې د ایران د حکومت له خوا خپلې لوړې کچې ته رسېدلې ده.
دوی زیاته کړې، د کډوالو شړل پخوا د ناثابته« ټولنیز جوړښت بدلولو» بې کارۍ د کچې لوړوالي، د اقتصادي کمزورتیا، د جرمونو زیاتوالي او نورو ځپونکو دلایلو له امله وو، خو د ایران او اسراییل ترمنځ د ۱۲ ورځنۍ جګړې وروسته، دوی د «جاسوسۍ او نفوذ شبکو کلیدي عناصرو» په توګه د بې بنسټه تورونو سره مخ شوي، ترڅو د اسراییلو د برید غچ واخلي.
د دې لیک لاسلیک کوونکو په ایران کې افغان کډوال «تر ټولو چوپه او مظلوم» ډله ګڼلې، ویلي یې دي چې د دوی پر وړاندې د موساد د جاسوسۍ تور د څو ملیون نفوس څخه یوازې یوې ډلې ته نه، بلکې ټولو افغانانو ته منسوب دی.
په لیک کې راغلي: «موږ ښه پوهېږو چې «د غیرقانوني کډوالو شړلو» د ټولو قانوني او غیرقانوني کډوالو سره د غیر انساني چلند لپاره یوه ځانګړې جمله ده.»
دغو فعالانو د افغان کډوالو سره د ایران د حکومت چلند وغانده، ویې ویل «په کمپونو کې د کډوالو د نیولو، لیږدولو او نیولو ظالمانه او غیر انساني چلند، چې ځینې یې قانوني اسناد لري، د افغانانو په منځ کې لویه ویره رامنځته کړې ده.»
په لیک کې دا هم راغلي«هغه ظلم چې په دې ورځو کې د افغانانو او نورو بې غږه لږکیو په وړاندې ترسره کېږي، تر هر څه زیات، هغه ارزښتونه له منځه وړي چې موږ پرې تکیه کوو، لکه انسانیت، عدالت او ازادي.» د دې لیک لاسلیک کوونکو د ایران له حکومته غوښتي، چې سملاسي د افغانانو سره خپل غیر انساني چلند پای ته ورسوي او د هېواد له ټولو اتباعو څخه یې غوښتي، چې د دې «ښکاره ظلم» په وړاندې غلي پاتې نه شي.
