د طالبانو د سترې محکمې د اعلامیو له مخې، دې ډلې (پنشنبې د چنګاښ ۱۲) په ننګرهار او فراه ولایتونو کې د یوې ښځې په ګډون څلور تنه په عام محضر کې په دورو ووهل.
رخشانه: دا خلک د «له کوره د تېښتې، له واده بهر جنسي او غیرقانوني اړیکو» په تور په درو وهلي دي.
د طالبانو د سترې محکمې په اعلامیه کې ویل شوي، د ننګرهار په دره نور ولسوالۍ کې د یوې ښځې په ګډون دوه تنه د «له کوره د تیښتې او له واده پرته د جنسي اړیکو» په تور ۳۳ دورې وهل شوي دي.
د دره ولسوالۍ د ابتدايي محکمې د پریکړې پر بنسټ، دغو کسانو ته د پنځو او شپږو میاشتو بند سزا هم ورکړل شوې ده.
د طالبانو سترې محکمې په یوه بل بیان کې لیکلي چې د فراه ولایت په پشت رود ولسوالۍ کې دوه کسان د «ناقانونه اړیکو» په تور ۳۰ دورې وهل شوي دي.
دغو کسانو ته د پشت رود ولسوالۍ د ابتدايي محکمې د پریکړې پر بنسټ د یو کال بند سزا هم ورکړل شوې ده. په تېره اونۍ کې، طالبانو په کابل، سرپل، جوزجان، کونړ او فاریاب ولایتونو کې د مختلفو تورونو په تور د دریو ښځو په ګډون ۳۳ کسان په عام محضر کې په وهلي وو.
