د افغانستان لپاره د ملګرو ملتونو د بشري حقونو شورا ځانګړی راپور ورکوونکی، ریچارډ بینټ ویلي، دی د هغو ۸۱ افغان وګړو د ایستلو په اړه اندېښمن دی چې د قطر او طالبانو په همکارۍ افغانستان ته ستانه کړل شوي دي.
رخشانه: ښاغلي بینټ نن (شنبه د چنګاښ ۲۸ مه) په خپله اېکس پاڼه د یوه پوسټ د افغان وکړو د اخراج د سمدستي بندولو غوښتنه کړې ده.
نوموړي د هغو کسانو د هویت او له جرمني څخه د دوی د اخراج د دقیق وخت په اړه هېڅ نه دي لیکلي.
د ملګرو ملتونو د بشري حقونو شورا ځانګړی راپور ورکوونکی لیکلي:«د نورو خلکو د ایستلو امکان شتون لري، دا ایستل باید ودرول شي.»
هغه د نړیوالو قوانینو د رعایت کولو غوښتنه کړې، له هغې ډلې «د مجرم» وګړو د جبري ایستلو په ګډون.
بنټ لیکلي چې«افغانستان ته الوتنه چې په هغې ځای کې به ریښتوني ګواښ سره مخ شي، حل لار نه ده.»
د الماني رسنیو د راپورونو پر بنسټ په المان کې شاوخوا ۴۵۰ زره افغان وګړي ژوند کوي، چې له دې ډلې به ۱۱ زره کسان د المان د دولت د پرېکړې پر بنسټ له دغه هېواده و ایستل شي.
د المان دولت تېر میلادي کال هم ۲۸ افغان وګړي، چې د دغه دولت له خوا «مجرم» پېژندل شوي وو، افغانستان ته ستانه کړل.
د طالبانو تر واکمنۍ لاندې افغانستان ته د دغو خلکو ستنول د بشري حقونو او کډوالو سازمانونو اندیښنې راپارولي او په وار وار یې له اروپايي هېوادونو څخه د افغان کډوالو د اخراج د بندولو غوښتنه کړې ده.
