کونړ کې سیمه ییزې سرچینې وايي، د یوې ماشومې مړۍ، چې څلور ورځې وړاندې د کونړ په سیند کې ډوبه شوې وه موندل شوی دی.
رخشانه: په کونړ کې دوه سیمه ییزه سرچینو رخشانې رسنۍ ته ویلي، چې د دغه ماشومې جسد تېره ورځ(د چنګاښ ۲۷ مه) اسمارو ولسوالۍ کې له اوبو را ایستل شوی دی.
د سرچینې په وینا، دغه ماشومه مدینه نومېږي او پنځه کلنه وه. دغه ماشومان د سه شنبې په ورځ د (چنګاښ ۲۴ مه) د کونړ په سیند لاهو شوې وه.
سرچینې زیاته کړې، د هغې جسد له اوبو تر را ایستل کېدو وروسته د هغې کورنۍ ته سپارل شوی دی.
معلومه نه ده چې د دغه نجلۍ مړۍ د چا له خوا د سیند څخه را ایستل شوی دی.
له دې وړاندې هم د ښځو او ماشومانو په ګډون څو تنه د هېواد په ولایتونو کې په اوبو کې د ډوبېدو له امله ژوند له لاسه ورکړی وو.
