پنجشېر کې د طالبانو سیمه ییز مسوولین وايي، د دې ولایت په آبشار ولسوالۍ کې یو ماشوم سیند ته لوېدلی او ژوند یې له لاسه وکړی دی.
رخشانه: پنجشېر کې د طالبانو د امنیه قوماندانۍ ویاند حقمل سعد سیمه ییزه رسنیو ته ویلي، دغه پېښه نن (یکشنبې د زمري ۵ مه) د دې ولایت د آبشار ولسوالۍ په ګلاب خېل سیمه کې رامنځ ته شوې ده.
پنجشېر کې د طالبانو د امنیه قوماندانۍ د ویاند په وینا، دا ماشوم هلک او شپږ کاله عمر یې درلود.
نوموړي د یاد ماشوم د هویت په اړه څه نه دي ویلي.
د دغه ماشوم جسد د سیمې د خلکو او طالبانو د ځواکونو په مرسته له اوبو راایستل شوی او کورنۍ ته یې سپارل شوی دی.
له دې وړاندې هم د هېواد په یو شمېر ولایتونو کې ورته پېښو د ښخو او ماشومانو په ګډون د یو شمېر کسانو ژوند اخیستی وو.
دوه ورځې وړاندې د هرات ولایت په پاشدان بند کې هم دوه ځوانان ډوب او ژوند یې له لاسه ورکړی وو.
