پاکستاني رسنیو د دغه هېواد د پولیسو په حواله راپور ورکړی، چې خیبر پښتونخوا ایالت کې پر یوې افغان پناه غوښتوونکې ډلیز جنسي تېری شوی دی.
رخشانه: پر دغې ښځې د پنشنبې په ورځ (د وږي ۲۰ مه) د خیبرپښتونخوا په هریپور سیمه کې د پنځو کسانو له خوا ډلیز جنسي تېری شوی دی.
د پولیسو په وینا، دغه ۲۱ کلنه مېرمن چې خاوند یې په بهر کې ژوند کوي، یوازې په یوه کرایي کور کې ژوند کاوه او د سپټمبر پر ۱۱ مه هغه مهال چې د خپلوانو کره تله تر جنسي تېري لاندې راغلې.
پولیسو ویلي، د «پاچا» په یوم یو کس هغه په زور د جوارو یوې کروندې ته وړې او وروسته یې له څلورو نورو ملګرو سره یو ځای پرې جنسي تېری کړی دی.
په راپور کې د دغې ښځې له قوله راوړل شوي:«زه روانه وم، چې د هغه کس څلور نور ملګري راغلل او یو پر بل یې راپسي جنستي تېری وکړ.»
هغې ویلي، چې د مقاومت پر مهال له دې کسانو یوه پر مخ په سوکانو ووهله.
د راپور پر اساس، پنځه تنه د دغه پېښې په تړاو نیول شوي، چې هغوی ټول افغان پناه غوښتونکي، هر یو، نادي، روزي، خان شېر، جاوید او نصیر نومېږي.
پاکستاني پولیسو د دغې ښخې هویت نه دی په ډاګه کړی، خو ویلي یې دي، هغې پر مخ او شونډو زیان لیدلی دی.
د هریپور سیمې د تروما له طبي مرکز څخه لومړني راپورونه وايي، پر دې ښځه د جنسي تېري پېښه ثابته شوې ده.
دغه دوسیه د پاکستان تر جزايي قانون لاندې ثبت شوې او تورن کسان به د پلټنو لپاره سیمه ییزې محکمې ته ورپېژل شي.
