د کونړ ولایت مرکز اسعدآباد ښار کې سیمه ییزې سرچینې وايي، په دغه ولایت کې یوې ناروغې او یوه میاشت وړاندې زلزلې ځپلې ښځې ماشوم نړۍ ته راوړ.
رخشانه: د کونړ مرکز اسعدآباد ښار کې دوه ځايي سرچینو ویلي، دغه ماشوم نن (پنشنبې د تلې ۱۰ مه) د یوې قابلې په مرسته زېږېدلی دی.
رخشانه: دو منبع محلی در شهر اسعدآباد، مرکز ولایت کنر گفته که این نوزاد امروز (پنجشنبه، ۱۰ میزان) به کمک یک قابله به دنیا آمده است.
د سرچینو په وینا، د دې ښځې کور په میاشت وړاندې زلزله کې ویجاړ شوی وو او خپله هم سخته ناروغه وه او ماشوم یې هم په زلزله ځپلې سیمې کې زېږولی دی.
د سیمې خلکو د دې قابلې له هڅو او خدماتو ستاینه کړې وايي، هغه باید د طالبانو له لوري وهڅول شي او وستایل شي.
د سیمې یو تن اوسېدونکي و ویل: «دا نجلۍ په رښتیا د وطن لور ده، په دې سختو شرایطو کې له خلکو سره مرسته د انسانیت او وجدان تر ټولو لوړه بېلګه ده.»
په ورته وخت د ماشومانو د ساتنې سازمان څه موده وړاندې په یوه راپور کې لیکلي وو، چې په راتلونکو څو میاشتو کې به د افغانستان په ختیځ زلزله ځپلې سیمه کې، ماشومان په خېمو کې نړۍ ته راشي.
دغه بنسټ اټکل کړی وو، چې د افغانستان په ختیځ زلزله ځپلو سیمو کې کابو ۱۱ زره مېرمنې امیدواره دي او په راتلونکو څو میاشتو کې به زېږون وکړي.
طالبانو څه موده وړاندې د ملګرو ملتونو ښځینه کارکوونکو ته ویلي و، چې زلزله ځپلو سیمو کې زیانمنو کسانو ته د مرستو رسولو په پار د سفر اجازه نه لري
