د غور په لعل او سرجنګل ولسوالۍ کې سیمه ییزه سرچینې وايي، د منځني عمر لرونکې یوې ښځې مړی، د دې ولسوالۍ په مرکز کې موندل شوی دی.
رخشانه: د لعل سرجنګل ولسوالۍ مرکز کې دریو سرچینو رخشانې رسنۍ ته ویلي، د دې ښځې جسد د دوشنبې په ورځ د (تلې ۲۱ مه) د «باغ سرکاري» له سیمې پیدا شوی دی.
د سرچینې په وینا، دغه ښخه د لعل سرجنګل ولسوالۍ د مرکز اړوند «حسین آباد» د کلي اوسېدونکې وه.
سرچینې زیاته کړې، دا ښځه بې سرپرسته وه او خاوند یې د سږ کال په پسرلي کې مړ شوی وو.
د رخشانې رسنۍ سرچینو د دې ښځې د کره عمر په اړه خبرې وښوده.
تر اوسه معلومه نه ده، چې دا ښځه څه ډول وژل شوې ده.
په لعل سرجنګل کې سیمه ییزه طالب چارواکو تر اوسه په دې اړه څه نه دي ویلي.
واک ته د طالبانو له بیا رسېدو وروسته، د پټو وژنو او جنايي جرمونو پېښې، د هېواد په یو شمېر ولایتونو کې بې مخینې زیاتې شوې دي.
د طالبانو ډله دا ډول وژنې له کورنیو ستونزو او روحي – رواني ناروغیو له امله بولي.
