د افغانستان ښځینه ولیبال ملي لوبډلې ریاض کې د اسلامي هېوادونو د پیوستون د ۲۰۲۵ کال سیالیو په چوکاټ کې د ترکیې د ولیبال ښځینه ملي لوبډلې څخه ماته وخوړه.
رخشانه: د دې دواړو لوبډلو تر منځ سیالي نن (سه شنبه د لړم ۳ مه) له ماسپښین وروسته ریاض کې تر سره شوه.
د افغانستان ښځینه ولیبال ملي لوبډلې خپله لومړۍ سیالۍ ۳ د صفر په مقابل کې د ترکیې ښځینه ولیبال ملي لوبډلې ته وبایلله.
د افغانستان ښځینه ملي لوبډلې په دې سیالیو کې یوازې په ۸ لوبغاړو سره ګډون کړی وو او د دغه لوبډلې ۴ لوبغاړې په ویزه او پاسپورټ کې د ستونزو په خاطر په دې لوبو کې په ګډون بریالۍ نه شوې.
د افغانستان د ښځو ولیبال ملي لوبډلې غړې په ایران، اسټرالیا او المان کې د افغان کډوالو لوبغاړو له منځه ټاکل شوې دي.
د افغانستان د نارینه ولیبال ملي لوبډلې سرروزونکی محمد اسداللهي د افغانستان د ښځینه ولیبال ملي لوبډلې لارښوونه هم په غاړه لري.
ریاض کې د اسلامي هېوادونو د ۲۰۲۵ کال د پیستون سیالیو په شپږم پړاو کې د ایران، افغانستان، ترکیې، آذربایجان او تاجیکستان ښځینه ولیبال ملي لوبډلو ګډون کړی دی.
