طالبانو روانه اوونۍ، په کابل، بلخ، زابل، پروان، پکتیا او کاپیسا ولایتونو کې د څلورو ښځو په ګډون ۳۷ تنه د بېلا بېلو تورونو له کبله په عام محضر کې په دورو وهلي دي.
رخشانه: دغه کسان د «لواطت، نامشروع اړیکې، د نشه کوونکو ګولیو او الګولي مشروباتو د پېر، پلور او قاچاق، غلا او له واده بهر جنسي اړیکې» په تورونو په دې شپږو ولایتونو کې په دورو وهلي دي.
یکشنبې د (لړم ۲۵ مه) د یوې ښځې په ګډون دوه تنه په کابل او بلخ کې د «لواطت او نامشروع اړیکې» په تور د خلکو په وړاندې په دورو وهل شوي دي.
یو تن د «لواطت» په تور په کابل کې ۳۵ دورې وهل شوی او په درې کاله تنفذي بند محکوم شوی دی.
یوه ښځه بیا «د نامشروع اړیکې» په تور په مزارشریف ښار کې د لکو په وړاندې ۳۹ دورې وهل شوې ده.
خو دا معلومه نه ده، چې دغه ښځه په څومره بند محکومه شوې ده.
دوشنبې د (لړم ۲۶ مه) د یوې ښځې په ګډون ۳۰ تنه د «لواطت، نامشروع اړیکې، د نشه کوونکو ګولیو او الګولي مشروباتو د پېر، پلور او قاچاق، غلا او له واده بهر جنسي اړیکې» په کابل او زابل ولایتونو کې په دورو وهل شوي دي.
۱۱ تنه د « د نشه کوونکو ګولیو او الګولي مشروباتو د پېر، پلور او قاچاق» په تورونو په کابل ښار کې له ۱۰ تر ۳۹ دورې وهل شوي دي.
دغه کسان کابل کې د طالبانو د نشه يي توکو او مسکراتو ضد ابتدایه محکمې د پرېکړې له مخې، له اوو میاشتو تر اوو کلونو پورې د تنفذي بند سزا هم اورول شوې ده.
د یوې ښځې په ګډون ۱۹ تنه د «غلا، له واده بهر جنسي اړیکې، لواطت او نامشروع اړیکې» په تورونو په زابل ولایت کې د خلکو پر وړاندې له ۱۰ تر ۳۹ دورو وهل شوي دي.
دغه کسان زابل کې د طالبانو د محکمې له خوا له لسو میاشتو تر شپږو کلونو پورې په تنفذي بند هم محکوم شوي دي.
چهارشنبې د (لړم ۲۸ مه) د دوه ښځو په ګډون پنځه تنه د «نامشروع اړیکې، اخلاقي فساد او غلا» په تورونو په پروان، پکتیا او کاپیسا ولایتونو کې د خلکو په وړاندې په دورو وهل شوي دي.
د یوې ښځې په ګډون دوه تنه د پروان ولایت په سیدخېل ولسوالۍ کې د خلکو په وړاندې ۳۹ دورې وهل شوي او په یوه نیم کال تنفذي بند هم محکوم شوي دي.
یوه ښځه د «اخلاقي فساد» په تور د پکتیا ولایت په زرمت ولسوالۍ کې د خلکو په وړاندې ۳۹ دورې وهل شوې او په یوه کال تنفذي بند هم محکومه شوې ده.
