افغان لوبغاړې فرښته خاني د پاکستان د ګډو- رزمي هنرونو سیالیو اتله شوې ده.
رخشانه: دغه لوبغاړې تېره ورځ (یکشنبې د لیندۍ ۹ مه) د څلورو پرلپسې لوبو په ګټلو سره د دغه سیالیو د اتلولې ملابند تر لاسه کړی دی.
فرښتې خاني د دې سالیو د اتلولۍ ملابند سربېره، د نیم میلیون پاکستاني کلدارو جایزه هم تر لاسه کړې ده.
هغې د ۴۷.۶ کلیوګرامه وزن کې په دغه سیالیو کې ګډون کړی وو.
مېرمن خاني خپل تمرینونه د پاکستان د کویټې ښار د فجر سوک وهنې اکاډمۍ کې د هېواد د پېژندل شوي سوک وهونکي بسم الله ناصح تر نظر لاندې تر سره کوي.
طالبانو د سپورټ په ټولو برخو کې د ښځو فعالیت بند کړی دی. د دې محدودیت په ترڅ کې د هېواد د ښځینه سپورت ټولې لوبډلې منحل شوې دي.
