ټاکل شوې د افغانستان ښځینه ولیبال ملي لوبډله د مرکزي آسیا زون ولیبال سیالیو کې ګډون وکړي.
رخشانه: د مرکزي آسیا زون د ولیبال سیالۍ د جمعې ورځ د لیندۍ ۲۸ مه د مالدیف په ماله ښار کې پیلېږي او د مرغومي میاشتې په ۴ مه پای ته رسېږي.
په دې سیالیو کې به د افغانستان، قرغیزستان، مالدیف، ترکمنستان او بنګله دېش د ولیبال ښځینه لوبډلې ګډون ولري.
د هېواد د ولیبال ښځینه لوبډلې د ریاض د ۲۰۲۵ کال د اسلامي هېوادونو د پیستون سیالیو کې پنځم ځای خپل کړی وو.
د دې لوبډلې ښونه د افغانستان د نارینه ولیبال ملي لوبډلې د مشر ایراني روزونکي محمد اسداللهي پر غاړه لري.
هغه د اسلامي هېوادونو د پیستون سیالیو تر پای ته رسېدو وروسته له شته ستونزو او د هېواد د ولیبال ښځینه لوبډلې لپاره د ملاتړ په نه شتون نیوکه کړې وه.
د افغانستان د ولیبال ښځینه ملي لوبډلې غړې د المپیک ملي کمېتې او د ولیبال نړیوال فدراسیون په همکارۍ له ایران، استرالیا او اروپايي هېوادونو څخه دې لوبو ته لېږل شوې وې.
طالبانو بیا واک ته تر رسېدو وروسته، په افغانستان کې د ښځو په ټولو سپورتي فعالیتونو بندیز ولګاوه او د سپورت ښځینه لوبډلې په رسمیت نه پېژني.
