طالبانو روانه اوونۍ په فاریاب، خوست، ننګرهار، میدان وردګ، سرپأ، کابل او پکتیکا ولایتونو کې په بېلا بېلو تورونو د څلورو ښځو په ګډون ۴۸ تنه په دورو وهلي دي.
رخشانه: دغه کسان، د غلا، د نشه يي توکو د پېر او پلور، جعل کارۍ، نامشروع اړیکې، له واده بهر د جنسیي اړیکې، د وژنې پلان او تخریبولو په تورونو په دې اوو ولایتونو کې په دورو وهلي دي.
یکشنبې (د لیندۍ ۱۶ مه، ۳۵ تنه د غلا، نشه يي توکو د پېر او پلور او جعل کارۍ په تورونو په فاریاب او خوست ولایتونو کې د خلکو په وړدندې په درو وهلي.
یو تن د غلا په تور د فاریاب ولایت خواجه موسی ولسوالۍ کې د خلکو په وړاندې ۳۹ دورې وهل شوی او په یوه کال او شپږ میاشتې تنفذي بند محکوم شوی دی.
۲۴ تنه نور بیا د خوست ولایت مرکز کې د نشه يي توکو د پېر او پلور او جعل کارۍ په تور د خلکو په وړاندې له ۱۰ تر ۳۹ دورو وهل شوي دي.
دغه کسان د محکمې د پرېکړې پر اساس له یو تر اووه کاله په تنفذي بند هم محکوم شوي دي.
سهشنبه (۱۸ قوس) دو تن به اتهام دزدی در ولایت ننگرهار در ملاءعام ۲۵ ضربه شلاق زده شدند و به دو سال حبس تنفیذی محکوم شدهاند.
چهار شنبې ( لیندۍ ۱۹ مه) د څلورو ښځو په ګډون یوولس تنه د نامشروع اړیکې، له واده بهر جنسي اړیکې، د وژ نې د پلان او تخریب کارۍ په تور په میدان وردګ، سرپل، کابل او پکتیکا ولایتونو کې په دورو وهل شوي دي.
د یوې ښځې په ګډون دوه تنه د نامشروع اړیکې په تور، د میدان وردګ ولایت حصه اول بهسود ولسوالۍ کې د خلکو پر وړاندې ۳۵ دورې وهل شوي او په یوه کال او پنځه میاشتې تنفذي بند محکوم شول.
د یوې ښځې په ګډون پنځه تنه د نامشروع اړیکې او له واده بهر جنسي اړیکې په تور د سرپل ولایت ګوسفندي ولسوالۍ کې د خلکو په وړاندې له ۲۵ تر ۳۹ پورې دورې وهل شوي او له یوه تر درې کلونو په تنفذی بند هم محکوم شوي دي.
د یوې ښځې په ګډون دوه تنه له واده بهر جنسي اړیکې په تور د کابل ښار څلورمه ناحیه کې ۳۹ دورې وهل شوي او په یوه کال او شپږ میاشتې تنفذي بند محکوم شوي دي.
دوه تنه د «وژنې د پلان او تخریب کارۍ» په تور د پکتیکا ولایت برمل ولسوالۍ کې د خلکو په وړاندې ۳۰ دورې وهل شوي او په دوه کاله او شپږ میاشتې تنفذي بند هم محکوم شوي دي.
