د بشري حقونو د فعالانو ټولنه (HRAU) افغانستان کې د ښوونیز کال پای ته رسېدو سره سم وايي، طالبان د ښوونځیو دروازو په تړولو سره د ټولنې د لمنځه وړلو په لټه کې دي.
رخشانه: دغه بنسټ نن (یکشنبې د لیندۍ ۲۳ مه» په خپله اېکس پاڼه، د نجونو پر مخ د ښوونځیو دروازې تړل «کلتوري ټول وژنه» بللې ده.
د بشري حقونو د فعالانو ټولنې لیکلي: «کلتوري ټول وژنه، د غږونو غلي کول او د پوهې برمته کول دي.»
دغه بنسټ ویلي، طالبانو د ښوونځیو د دروازو په تړلو، د زده کوونکو په ځپلو او له ټولنې د کلتوري حافظې حذفولو سره د راتلونکې د له منځه وړلو په لټه کې دي.
د بشري حقونو د فعالانو ټولنې ویلي «راتلونکې یوازې په زده کړو، خپلواکۍ او انساني کرامت سره مانا پیدا کوي.»
د طالبانو مشر د ۲۰۲۱ کال د سپټمبر په ۱۷ مه د یوه فرمان په ترڅ کې له شپږم ټولګي پورته زده کوونکو نجونو پر مخ په ټول هېواد کې د ښوونځیو دروازې وتړلې. د طالبانو د مشر دغه ګام په نړیواله کچه سخت غبرګونونه له ځای سره درلودل.
طالبانو پر هېواد په خپله څه باندې څلورکلنه واکمنۍ کې له شپږم ټولګي پورته نجونو پر مخ د ښوونځیو پرانستو لپاره کوم ګام نه دی پورته کړی. دغه راز یادې ډلې په پوهنتونونو کې د نجونو د تحصیل مخنیوي ته هم د پای ټکی نه دی ایښی.
