غزني کې سیمه ییز طالب چارواکي وايي، د دې ولایت په مرکز غزني ښار کې د یوې کورنۍ دوه غړو د ګاز نیونې له آمله ژوند بایللی دی.
رخشانه: غزني کې د طالبانو د امینه قوماندانۍ ویاند خالد سرحدي وايي، دغه پېښه د شنبې په شپه د (لیندۍ ۲۲ مه) د غزني ښار د پښتون آباد په سیمه کې رامنځ ته شوې ده.
غزني کې سیمه ییز طالب چارواکي وايي، د دې ولایت په مرکز غزني ښار کې د یوې کورنۍ دوه غړو د ګاز نیونې له آمله ژوند بایللی دی.
د هغه په وینا، یوې ښځې او مېړه د استوګنې ګوټې د ګرمولو لپاره ګازي بخارۍ کارولۍ، چې د بې احتیاطۍ له امله ګاز نیولي او ژوند یې له لاسه ورکړی دی.
د دې ښځې او خاوند د سن او هویت په اړه جزیات په لاس کې نشته.
هر کال د ژمي په رارسېدو او د سونګ توکو او ډبرو سکرو د بیو لوړېدو سره هېوادوال د کوټو د ګرمولو لپاره له ګازي بخاریو کار اخلي.
د ژمي په موسم کې د کوټو د ګرمولو لپاره له ګازي بخاریو څخه کار اخیستنه هر کال د هېوادوالو قرباني اخیستي ده.
