له «پولیو د پاک افغانستان» پاڼې د ماشوماونو د ګذڼ یا پولیو واکسیناسیون د نوې لړۍ د پیل خبر ورکړی دی.
رخشانه: دغه بنسټ نن (دوشنبې د لیندۍ ۲۴ مه) د یوې اعلامیې په خپرولو سره ویلي، چې د پولیو واکسین د پلي کولو لړۍ په هېواد کې پیل شوې ده.
د دغه بنسټ د اعلامیې له مخې، ټاکل شوې د ماشومانو د ګذڼ ضد واکسیناسیون نوې لړۍ، د هېواد په ختیځو او سویلي ولایتونو، قندوز، نورستان، کونړ، لغمان، ننګرهار، خوست، پکیتا، غزني، ارزوګان، زابل، کندهار، هلمند او د هرات، کابل او بلخ ولایتونو په ځینو برخو کې پلې شي.
دغه پاڼې نه ده معلومه کړې، چې د دې کمپیان په ترڅ کې به څومره ماشومان د پولیو واکسین تر لاسه کړي.
دا په داسې حال کې ده، چې روان میلادي کال په افغانستان کې په ګذڼ د اخته ماشومانو لږ تر لږه ۹ پېښې ثبت شوې دي. له دې ډلې ۳ پېښې په هلمند، ۲ پېښې په پکتیکا او په ارزګان، نورستان، بادغیس او فراه ولایتونو کې یوه یوه پېښه ثبت شوې ده.
