په افغانستان کې د ملګرو ملتونو د ماشومانو د ملاتړ صندوق (یونیسف) ویلي، راتلونکی میلادي کال به ۲۱.۹میلیونه کسان له هغې جملې ۱۱.۶ میلیونه ماشومان ښايي بشري مرستو ته اړتیا پیدا کړي.
رخشانه: دغه بنسټ نن (سه شنبې د لیندۍ ۲۵ مه) په خپله اېکس پاڼه د یوې خبرپاڼې په خپرولو سره لیکلي، چې په افغانستان کې د ۱۲ میلیونه کسانو د بشردوستانه او اساسي اړتیاو د ځواب ویلو لپاره ۹۵۰ میلیون ډالرو بودجې ته اړتیا لري.
یونیسف لیکلي، د افغانستان خلک له پرلپسې بحرانونو له ټولګې، له هغې جملې، طبعیي پېښو، د ساتنې فضا د محدودېدو، اقتصاد، اساسي خدماتو ته د لاسرسي محدوولو او له اقلمي بدلونونو شاکونو سره مخ دي.
د ملګرو ملتونو د ماشومانو د ملاتړ صندوق ویلي، د ساتنې بحران د سختېدو په حال کې دی او ښخې د امیدوارۍ پر عمر، ماشومان، تنکي ځونان او لږي څنډې ته کړای شوي او له زیاتو ګواښونو سره مخ دي.
دغه بنسټ خبرداری ورکړی، چې د شرایطو په لا خرابېدو سره، د یونیسف دوامداره شتون د حیاتي خدماتو وړاندې کولو او د خورا زیان منونکو خلکو د ستانې لپاره اړین دی.
د ملګرو ملتونو د ماشومانو د ملاتړ صندوق ټینګار کړی، چې په افغانستان کې ښځې او نجونې له یوه جوړښتي حقوقي بحران سره مخ دي.
دغه بنسټ په افغانستان کې د ښځو او نجونو په وړاندې د طالبانو محدودیتونو ته په اشارې ویلي، دې محدودیتونو د خوندیتوب ګواښونه زیات کړي دي.
یونیسف ویلي، په بېړنۍ توګه ۹۴۹.۱ میلیون ډالرو ته اړتیا لري تر څو ۱۲ میلیونه وګړو له هغې جملې ۶.۵ میلیونه ماشومان، د ژوغورونکو مرستو او اساسي خدماتو تر پوښښ لاندې راولي.
د یونیسف په وینا، دغه ملاتړ د دې ډاډ تر لاسه کولو لپاره حیاتي دی، چې په افغانستان کې هر ماشوم د پایښت او هوساینې لپاره فرصت ولري.
