تخار کې سیمه ییز طالب چارواکي وايي، د دې ولایت په رستاق ولسوالۍ کې یو ماشومه نجلۍ د تور زخم یا انتراکس په ناروغۍ اخته شوې ده.
رخشانه: تخار کې د طالبانو د زراعت ریاست د تشراتو مدیر روح الامین عثماني دغه ولایت کې سیمه ییزه رسینو ته ویلي، دغه ماشومه د رستاق ولسوالۍ د د «تولکي» د کلي اوسېدونکې ده.
د هغه په وینا، دغه ماشومه نجلۍ ریحانه نومېږي او یو نیم کلنه ده.
هغه زیاته کړې، دغه ماشومه نلجۍ د سترګې په برخه کې په تور زخم ناروغۍ اخته شوې او د تخار په ولایتي روغتون کې بستر ده.
د دې ناروغ د روغتیايي وضعیت په اړه جزیات په لاس کې نشته.
په ورته وخت د روغتیايي چارو شنوونکې سیما صابري وايي، د تور زغم ناروغي د باسیلوس آنتراسیس په نوم د یوې باکتریا څخه رامنځ ته کېږي، او که چېرې «زهر په بدن کې خواره شوي وي کولی شي مرګ رامنځ ته کړي.»
هغې د خلکو تر منځ د دې ناروغۍ د خورېدو په اړه خبرداری ورکړ او د هغې پایلې یې خطرناکې وبللې او له خلکو یې وغوښتل، چې د دې ناروغۍ د نښو ښکاره کېدو په صورت کې روغتیايي مرکزونو ته مراجعه وکړي.
د تور زخم یا انټراکس ناروغي د انسانانو او څارویو تر منځ ګډه ناروغي ده او د هغې پراختیا کولی شي د خلکو د روغتیا لپاره جدي ګواښونه له ځان سره ولري.
