د افغانستان د ولیبال ښځینه ملي لوبډلې د آسیا د مرکزي زون سیالیو په لړ کې په خپله درېیمه لوبه کې د بنګله دېش ولیبال ښځینه ملي لوبډلې ته ماته ورکړه.
رخشانه: د دې دواړو لوبډلو تر منځ سیالي نن له ماسپښین وروسته (دوشنبې د مرغومي اوله) د مالدیو هېواد په ماله ښار کې تر سره شوه.
د هېواد د لیبال ښځینه لوبډله د ۱-۳ پایلې په تر لاسه کولو د دې لوبې ګټونکې شوه.
هغوی لومړی او دویمه پاڼۍ لوبه د ۲۰-۲۵ او ۲۱-۲۵ کې خپلې کړې. بنګله دېش په درېیمه پاڼې کې ۲۱-۲۵ بریالی شو.
د محمد اسداللهي زده کوونکو په څلورمه پاڼۍ کې ۱۶-۲۵ مخکښ شو او په مرکزي آسیا کې یې خپله لومړۍ بریا تر لاسه کړه.
د هېواد د ولیبال ښځینه لوبغاړو له دې وړاندې د قرغیزستان او مالدیو په وړاندې ماته خوړلې وه.
د آسیا د مرکزي زون ولیبال سیالیو کې، د افغانستان، قرغیزستان، مالدیو، ترکمنستان او بنګله دېش د ولیبال ښځینه ملي لوبډلې ګډون لري.
