ننګرهار کې سیمه ییزه سرچینې وايي، د دې ولایت په تورخم پوله کې د ډاکترانو د کمښت له امله یوې زړې ښځې ژوند بایللی دی.
رخشانه: ننګرهار کې دوه خبرو سرچینو ویلي، دغه ښځه د یکشنبې په ورځ (د لیندۍ ۳۰ مه) د ننګرهار تورخم او د عمري کډوالو او راستنېدونکو په پنډغالي کې ژوند له لاسه ورکړی دی.
د سرچینې په وینا، دغې ښځې شاوخوا ۷۰ کاله عمر درلود او تازه له پاکستان څخه راستنه شوې وه.
هغوی زیاته کړې، دغه ښځه د سهار مهال شاوخوا ۲ بجې ناروغه شوې وه او په روغتیايي کمپ کې د نوکریوالو ډاکترانو د نه شتون له آمله د تورخم ۲۰ بستریز روغتون ته د لېږد پر مهال یې ژوند بایللی دی.
سرچینو زیاته کړې: «په تورخم پنډغالي کې اړین درمل شتون نه لري او روغتیايي سیستم یې کمزوری دی.»
تر اوسه پورې ننګرهار کې سیمه ییزه طالب چارواکو په دې اړه څه نه دي ویلي.
له پاکستان نه راستانه شوي ګډوال په ورا وار له ورته پېښو اندېښمن شوي دي او له سیمه ییزه چارواکو یې غوښتي، چې په تورخم کې دوی ته ټول امکانات او فرصتونه برابري کړي.
