د افغانستان د ولیبال ښځینه ملي لوبډلې د آسیا مرکزي زون سیالیو په لړ کې په نیمه پایلوبه کې هم د قرغیزستان د ولیبال ښځینه ملي لوبډلې څخه ماته ومنله.
رخشانه: د دې دواړو لوبډلو تر منځ سیالي نن (چهارشنبې د مرغومي ۳ مه) له ماسپیښین وروسته د مالدیو هېواد په ماله ښار کې تر سره شوه.
د هېواد د ولیبال ښځینه ملي لوبډلې په دې سیالۍ کې ۱-۳ په مقابل کې ماته وکړه.
د محمد اسداللهي زده کوونکو تر اوسه په دې لوبلړۍ کې څلور لوبې تر سره کړي دي.
د هېواد ښځینه ولیبالرانو په تېرو لوبو کې هم له قرغیزستان او کوربه مالدیو هېواد څخه ماته کړې وه.
دغې لوبډلې دوه ورځې وړاندې په خپله درېیمه سیالۍ کې د بنګله دېش ولیبال ښځینه ملي لوبډلې ته ماته ورکړې وه.
د آسیا مرکزي زون ولیبال ښځینه سیالیو کې د افغانستان، قرغیزستان، مالدیو، ترکمنستان او بنګله دېش ښځينه ملي لوبډلې ګډون لري.
دغه لوبې د تېرې اوونۍ د جمعې له ورځې راهیسې په مالدیو هېواد کې پیل شوې دي.
