غزني کې سیمه ییزه سرچینې وايي، د دې ولایت په ناور ولسوالۍ کې یوه نجلۍ په مرموز ډول وژل شوې ده.
رخشانه: یوې خبرې سرچینې ویلي، دغه پېښه د تېرې اوونۍ د سه شنبې (مرغومي ۱۶ مې) په ماښام د ناور ولسوالۍ په «ګرماب» کلي کې رامنځ ته شوې ده.
د سرچینې په وینا، دغه نجلۍ شاوخوا ۱۵ کلنه وه.
سرچینې زیاته کړې، د دې نجلۍ جسد د یوه کور له «کدانې» موندل شوی دی.
د سرچینې په وینا، د دې نجلۍ میرې غوښتل، هغه د خپلو قومیانو یوه تن ته جبري واده ته اړ کړي.
سرچینې د عیني شاهدانو له قوله ویلي، د دې نجلۍ په بدن د ټوکلو او په ستوني کې د «زندۍ» کولو نښې لیدل شوې دي.
د سرچینې د خبرو له مخې، ناور کې سیمه ییز طالب چارواکي هم د پېښې ځای ته ورغلي او ویلي یې دي، دغه نجلۍ په قصدي توګه وژل شوې، خو میرې یې ویلي، چې هغې خپله ځان راځړولی دی.
سرچینې ویلي: «د دې نجلۍ میره د میدان وردګ ولایت ده، هغې په پښتو ژبه له طالبانو سره خبرې کولې او قضیه یې خپله پای ته رسولې ده.»
