د ملګرو ملتونو یو شمېر کارپورهان وايي، غړي هېوادونه باید په افغانستان کې «جنسیتي توپیر» د «بشریت په وړاندې جنایت د مخنیوي او سزا» د نوي تړون په راتلونکو خبرو اترو کې د جرم په توګه په رسمیت وپېژني.
رخشانه: د ملګرو ملتونو کارپوهانو له هغې جملې ځانګړي راپور ورکوونکي ریچارد بنسټ نن «دوشنبې د مرغومي ۲۹ مه» په ګډه اعلامیه کې ټینګار کړی، چې د دې تړون مشروعیت او اغېزمتوب یوازې په هغه صورت کې ممکن دی، چې د ښځو، نجونو او ټولو هغه کسانو، چې د جنسیت په دلیل موخه ګرځېدلې دي، مانا لرونکی ګډون په هغې کې و اوډل شي.
په اعلامیه کې راغلي، په افغانستان کې ژوندي پاتې شویو کسنو د ټولګډونه اړتیا یو له خورا روښانه بېلګو څخه ده.
د اعلامیې له مخې، طالبانو په ۲۰۲۱ کې د واک تر لاسه کولو راهیسې د محرومیتونو په پلي کولو له هغې جملې، له شپږم ټولګي پورته له ښوونځي د نجونو راګرځول، د ښځو د کار پر حق سخت محدودیت او په عمومي ټولنیز ژوند کې د هغوی ګډون جرم ګڼلو سره د ښځو او نجونو د لرې کولو لپاره منظمه او بنسټیزه پالي تعقیب کړې ده.
د ملګرو ملتونو کارپوهانو ټینګار کړی، چې د افغان ښځو اواز یوازې د قربانیانو کیسې نه دي، بلکې په افغانستان کې د روان واقعیتونو د پوهې او تخصص په اړه اصلي سرچینه ده.
هغوی ویلي، د نړیوالو حقونو د بشپړتوب او اوسنیو ناورینونو د ځواب وینې لپاره د ښځو ګډون اړین دی.
پر دوام له خبرو اترو کوونکو هېوادونو او ملګرو ملتونو غوښتل شوي، چې ښځو د سازمانونو پراخ او خوندي ګډون تضمین کړي.
همدارنګه هغوی د هغو ادارو لپاره د برابرو فرصتونو غوښتنه هم وکړه، چې د ملګرو ملتونو د اقتصادي او ټولینزې شورا تاییدي نه لري.
دغه راز دې کارپوهانو له نړیوالې ټولنې غوښتي، چې د طالبانو د واکمنۍ له عادي کولو مخنیوی وکړي.
د ملګرو ملتونو دې چارواکو د خوندي، قانوني او دوامداره کډوالۍ لارو د پراختیا او د افغان ښځو په مشرۍ د مدني ټولنې لپاره د دوامداره مالي سرچینو د برابرولو غوښتنه هم وکړه.
دوی ټینګار کړی، چې د «جنسیتي توپیر» نومونه د دې سره د سیالۍ او د دې جرمونو د عاملینو د ځواب ورکولو په لور یو بنسټیز ګام دی.
په اعلامیه کې راغلي: «هېوادونه باید له جنسیتي توپیر څخه د بشریت پر وړاندې جرم په توګه ملاتړ وکړي او په ټول تړون کې د جنسیت حساس احکام خوندي کړي. په ورته وخت له هېوادونو غواړو، چې د افغان ښځو، نجونو او د بېلا بېلو جنسیتي هویت لرونکو خلکو د ملاتړ لپاره نورې لارې چارې پیاوړې کړي، له هغې جملې، د طالبانو د نظام د نورمال کېدو په فعاله توګه مخنیوی، د خوندي، قانوني او اوږدمهاله کډوالتوب لارې رامنځ ته کول او د ښځو په مشرۍ د مدني ټولنې لپاره د دوامداره تمویل چمتو کول.»
