بدخشان کې سیمه ییزه سرچینې وايي، د دې ولایت مرکز فیض آباد ښار کې یوې ځوانې نجلۍ ځان وژلی دی.
رخشانه: فیض آباد ښار کې یوې سرچینې د هویت پټ ساتلو سره رخشانې رسنۍ ته ویلي، دغې ځوانې نجلۍ د دوشنبې په ماښام (د سلواغې ۲۶ مه) د فیض آباد په زاړه ښار کې ځان وژنه کړې ده.
د سرچینې په وینا، دې نجلۍ ۲۱ کاله عمر درلود او د «موږک وژنې زهرو» په خوړلو سره یې خپل ژوندی پای ته رسولی دی.
سرچینې زیاته کړې، دې ځوانۍ نجلۍ د «نرسنګ» په څانګه کې زده کړې کړې وې او د کورني تاوتریخوالي له امله یې ځان وژلی دی.
بدخشان کې طالب چارواکو تر اوسه د دې پېښې په اړه خپل نظر نه دی څرګند کړي.
د یادونې ده، چې د طالبانو په بیا واک ته رسېدو سره په هېواد کې کورني تاوتریخوالي، قتلونه او ځان وژنې په بې مخینې توګه زیاتې شوې دي.
