طالبانو د بلخ ولایت مرکز مزارشریف ښار کې د کرنیزو او مالدارۍ محصولاتو د نندارتونو څخه، د ښځو د مخینوي ورووسته نیوکو له امله دغه محدودیت لغوه کړ.
رخشانه: دغه نندارتون د دوشنبې په ورځ (د سلواغې ۲۷ مه) پرانستل شوی وو او پرون (سه شنبې د سلواغې ۲۸ مه) ښځو ته له دغه نندارتون څخه د لیدنې او په کې د ګډون اجازه ورکړل شوه.
په مزارشریف ښار کې څلور تنه سوداګرو مېرمنو رخشانۍ رسنۍ ته تایید کړې، چې هغوی ته د نندارتون په دویمه ورځ د لیدو او ګډون اجازه ورکړل شوې ده.
په مزارشریف کې د سوداګرو ښځو په وینا، هغوی وتوانېدې، چې په دغه نندارتون کې هم د عرفو لرونکو او هم د لیدونونکو په توګه ګدون وکړي، خو د طالبانو له لوري په دې نندارتون کې تازه محدودیت لګول شوی دی.
سوداګرو مېرمنو زیاته کړې، له نندارتون څخه د ښځو تر لیدنې او ګډون وروسته، نارینه غرفې لرونکي او لیدونکي له دغه نندارتون څخه منع کړای شوي دي.
دا مهال په دې نندارتون کې ښځو خپل کرنیز او کورنۍ محصولات او تولیدات له ۸۰ زیاتو غرفو کې په دغه درې ورځني نندارتون کې نندارې ته وړاندې کړي دي.
د کرنیز سکتور د ملاتړ، د کورنیو محصولاتو کارولو کلتور د ودې او د کنیزو او څارویو محصولاتو معرفي کولو په موخه د بلخ مرکز مزارشریف ښار کې دغه نندارتون د روانې اوونۍ د دوشنبې په ورځ پرانستل شو او نن پای ته ورسېده.
