په افغانستان کې د ملګرو ملتونو د ماشومانو د ملاتړ صندوق (یونیسف) ویلي، په ۲۰۲۵ میلادي کال کې یې د خپلو شریکانو په همکارۍ ۹۲.۵ سلنه ماشومانو چې د شپږو میاشتو او لسو کلونو تر منځ وو، د شري واکسین تر لاسه کړی دی.
رخشانه: دغه بنسټ په خپله فسبوک پاڼه کې ماشومانو ته د واکسین په ورکولو ټینګار کړی دی.
یونیسف لیکلي دي: «د واکسین پلي کېدو پر کمپاین پانګونه یوازې د کاغذ پر مخ پرمختګ نه دی، بلکې د انسانانو ژوند ژغوري او هر ځل د یوه ماشوم ژوند.»
ملګرو ملتونو څه موده وړاندې اعلان کړی وو، چې افغانستان کې کابو ۱۳ میلیونه ماشومان په شري، اسهال او نورو ټولو نارغیو د اخته کېدو له ګواښ سره مخ دي.
د روغتیا نړیوال سازمان د راپورونو له مخې، په افغانستان کې له اته میلیونه زیات ماشومانو په ۲۰۲۵ میلادي کال کې د شري واکسین تر لاسه کړی دی.
په افغانستان کې ماشومان د نورو روغتیايي ستونزو تر څنګ د خوارځواکۍ او شري ناروغۍ له ګواښونو سره هم مخ دي.
په ملګرو ملتونو پورې تړلو بنسټونو د طالبانو تر واک لاندې افغانستان کې په دې ناورغۍ د ماشومانو د اخته کېدو خبرداری ورکړی دی.
