طالبانو د روانې اوونۍ په اوږدو کې د جنسي اړیکې او غلا په تورونو په بغلان او پکتیا ولایتونو کې دوه تنه د خلکو په وړاندې په دورو وهلي دي.
رخشانه: چهارشنبې د (کب ۶ مه) یو تن د بغلان ولایت په ډنډغوري ولسوالۍ کې ۳۵ دورې وهل شوی دی.
معلومه نه ده، چې دغه کس ته څومره بند سزا اورول شوې ده.
پنشنبې د (کب ۷ مه) د پکتیا ولایت په زرمت ولسوالۍ کې یو تن د غلا په تور د خلکو په وړاندې ۲۵ دورې وهل شوی دی.
دغه کس د محکمې د پرېکړې پر بنسټ په شپږ میاشتې تنفذي بند هم محکوم شوی دی.
طالبانو د روان کال په سلواغې میاشتې کې د ۲۰ ښځو په ګډون ۱۸۵ تنه د بېلا بېلو تورونو له امله په ۱۴ ولایتونو کې د خلکو په وړاندې په دورو وهل شوي دي.
د سلواغې میاشتې په لومړۍ اوونۍ کې د یوې ښځې په ګډون ۴۱ تنه د بېلا بېلو تورونو له امله، په هرات، خوست، کابل، بدخشان او غور ولایتونو کې د خلکو په وړاندې په دورو وهلي دي.
د سلواغې میاشتې په دویمه اوونۍ کې د دو ښځو په ګډون ۹۴ تنه د بېلا بېلو تورونو له امله، په پکتیکا، کابل، فاریاب، لغمان، پکتیا او کاپیسا ولایتونو کې د خلکو په وړاندې په دورو وهلي دي.
سلواغې میاشتې په درېیمه اوونۍ کې د شپږو ښځو په ګډون ۲۱ تنه د بېلا بېلو تورونو له امله، په بلخ، اروزګان، زابل، لغمان او کاپیسا ولایتونو کې په عام محضر کې وهل شوي دي.
په څلورمه اوونۍ کې د ۱۱ ښځو په ګډون ۲۹ تنه، د بېلا بېلو تورونو له امله، په کابل، لغمان، غور، پروان، بلخ او فاریاب ولایتونو کې د خلکو په وړاندې په دورو وهل شوي دي.
