د ملګرو ملتونو د بشري حقونو عالي کمېشنر وايي، د طالبانو تر واک لاندې افغانستان د بشري حقونو په هدیره بدل شوی دی.
رخشانه: ترک دغه څرګندونې نن (چهارشنبې د کب ۷ مه) په جینوا کې د ملګرو ملتونو د بشري حقونو شورا په ۶۱ غونډه کې مطرح کړې دي.
هغه په دې ناسته کې و ویل «هغه فرمانونه او قوانین» چې د طالبانو له لوري افغانستان کې صادر شوي، د افغانستان په خلکو په ځانګړې توګه په ښځو او نجونو وېجاړونکی اغېز کړی دی.
د بشري حقونو عالي کمېشنر زیاته کړې، دغه فرمانونه په تدریج سره د پراخو بشري حقونو په چوکاټ کې بالفعل ځایول کېږي.
ترک د طالبانو د محکمو د جزايي اصول نامې توشېح ته په اشارې ویلي، دا قان «څو جرمونه او سزاوې» تعریفوي، چې د افغانستان له نړیوالو ژمنو سره په ټکر کې دي.
هغه له طالبانو غوښتي، چې خپل ټول تبعیض لرونکي احکام، قوانین او سیاستونه لغوه کړي. هغه د افغانستان پر خلکو په ځانګړې توګه د ښځو او نجونو په وړاندې د دې قوانینو د ویجاوړنکي اغېز په اړه خبرداری ورکړی دی.
د ملګرو ملتونو د بشري حقونو شورا ۶۱ ناسته په جینوا کې د ترسره کېدو په حال کې ده.
د افغانستان د بشري حقونو لپاره د ملګرو ملتونو ځانګړي راپور ورکوونکي ریچارد بنټ په دغه ناسته کې خپل راپور وړاندې کړ.
د هغه نوی راپور د طالبانو تر واک لاندې افغانستان کې د ښځو او نجونو د روغتیايي حق په اړه دی.
