د «افغانستان د ځواکمنو ښځو غورځنګ غړو» په یوه اعتراضي غونډه کې ویلي، د طالبانو محدودیتونو د افغان ښځو لپاره د ژوند ورځني شرایط خورا سخت کړي دي.
رخشانه: د دې غورځنګ غړو نن (شنبې د کب ۱۶ مه) د مارچ اتمې د ښځو د پیوستون نړیوالې ورځې په مناسبت، د ډودۍ، ډودۍ او خپلواکۍ شعارونه ورکول.
معترضو ښځو ویل، دا اعترضي غونډه یې د طالبانو تر واکمنۍ لاندې د افغان ښځو د خورا سخت وضعیت په اړه د عمومي افکارو او نړیوالو ټولنې د پام را اړولو په پار جوړه کړې ده.
د دې اعتراضي غونډې ګډونوالو د «ډوډۍ، کار، خپلواکۍ» په شعار ورکولو سره خپل اعتراضي غږ پورته کړ او د خپلواکه ژوند، زده کړې او په ټولنه کې د ګډون لپاره یې د ښځو پر اساسي حقونو ټینګار وکړ.
معترضو ښځو د افغان ښځو د سخت وضعیت په اړه و ویل، چې هغوی اوس له خپلو لومړنیو انساني حقونو بې برخې دي.
هغوی ویلي، د ښځو ډېری اعتراضي غورځنګونه په جلاوطنۍ کې فعالیت کوي، خو له ګڼو ستونزو، له هغې جملې د یوې واحدې مشرۍ، د ځواک د پاشلتیا او ګټور نړیوال ملاتړ له کمښت سره مخ دي.
معترضو ښځو د طالبانو پر وړاندې د دې اعتراضي غورځنګ فعالیتونو او په نړیواله کچه حق غوښتنې ته په اشارې وايي، په افغانستان کې د بدلون رامنځ ته کولو لپاره تر اوسه پورې د مخالفو جریانونو تر منځ کافي انسجام او د نړیوالې ملاتړ نه دی برابر شوی.
د افغانستان د ځواکمنو ښځو غورځنګ غړو له نړیوالې ټولنې وغوښتل، چې د افغان ښځو د وضعیت په اړه مسوولانه او عملي اقدام تر سره کړي.
دوی ټینګار وکړ، چې د چوپتیا دوام او د نړیوالې ټولنې نه پاملرنه کولی شي، په افغانستان کې د ښځو د حقونو په پراخ سرغړواوي تمامه شي.
د هغوی په وینا، نړیواله ټولنه باید د مثبتو بدلونونو رامنځ ته کولو لپاره، د ښخو د مدني مبارزو د ملاتړ او د هغوی د اساسي حقونو د خوندیتوب لپاره لا جدي ګامونه پورته کړي.
