په افغانستان کې د ملګرو ملتونو د ښځو څانګې اعلان کړی، چې د طالبانو تر واک لاندې افغانستان په نړۍ کې د کاري ځواک کې یو له لویو جنستي تشو څخه لري.
رخشانه: دې بنسټ نن (دوشنبې د کب ۱۸ مه) په خپله اېکس پاڼه د یوه پوسټ په خپرولو سره لیکلي «دا وضعیت عادي مه بولۍ»
د ملګرو ملتونو د ښځو څانګې زیاته کړې: «موږ د ژوندانه فرصتونو ته د افغان ښځو له لاسرسي ملاتړ کوو.»
دې بنسټ د افغان ښځو او نجونو په وړاندې د طالبانو محدویتونو ته په اشارې ولی «لا هم بدلون امکان لري.»
طالبانو په تېرو څه باندې څلورو کلونو کې په هېواد کې پر ښځو او نجونو پراخ محدودیتونه لګولي، هغوی له کوره د باندې له کار کولو منع کړې دي.
دې ډلې همدارنګه ښځې په دولتي ادارو او خصوصي او نړیوالو بنسټونو کې هم له کار کولو راګرځولې دي.
