د طالبانو د محکمو جزايي اصول نامې ته د غبرګونونو پر دوا د برېتانیا د ښځو چارو او برابرۍ مرستیالې ویلي، دغه سند کورني تاوتریخوالي ته مشروعیت ورکوی.
رخشانه: مېرمن سمیت د دوشنبې په شپه (د کب ۱۸ مه) د ملګرو ملتونو امنیت شورا په غونډه کې د افغانستان د وضعیت په اړه ویلي، د طالبانو د محکمو جزايي اصول نامه مذهبي تبعیض بنسټیز کوي، ښځې او لږکي په نښه کوي.
نوموړې زیاته کړې، چې دغه ځپوونکی صند باید لغوه شي.
مېرمن سمیت د ښځو او نجونو په وړاندې د طالبانو محدودیتونو ته اشاره کړې وايي، د دې محدودیتونو له امله، میلیونونه وګړي په سیستماتیک ډول له ټولنې څنډې ته کېږي.
هغې ویلي، برېتانیا د افغان ښځو او نجونو تر څنګ ولاړه ده، هغه ښځې، چې د ژوند په ټولو برخو کې د بشپړ، مانا لرونکي او برابر ګډون وړ دي.
سمیت زیاته کړې، برېتانیا د افغانستان یو له اصلي مرسته کوونکو څخه ده او روان مالي کال یې له ۲۰۰ میلیون ډالرو څخه زیاته مرسته یې د دې هېواد تر ټولو زیانمنو وګړو په ځانګړې توګه د ښځو او نجونو د حیاتي، ژغورونکو او اساسي خدمتونو لپاره ځانګړې کړې ده.
کې ویلي، په افغانستان کې پرمختګ د دې غوښتوونکی دی، چې طالبان په مانا لرونکي ډول د ملګرو ملتونو پروسه کې ګډون وکړي، له ګاونډیانو سره په سوله کې وي او په خپلو نړیوالو ژمنو عمل وکړي.
