د «باور او همغږۍ په لور» غونډه په افغانستان کې د سیاسي فضا د رامنځ ته کولو او په بشري بحران ته د رسیدګۍ پر اړتیا ټینګار باندې پای ته ورسېده.
رخشانه: دغه دوه ورځنۍ ناسته چې تېره ورځ، د طالبانو د مخالفینو، د ګوندونو د استازو، سیاسي او مدني فعالانو په شتون کې، په لندن ښار کې جوړه شوې وه، نن (چهارشنبې د وري ۵ مه) پای ته ورسېده.
د افغانستان لپاره د ښځو بنسټ ویلي، د دې غوندې ګډونوالو د انګلستان پارلمان د استازو او مشرانو جرګو په څنډه کې کډون وکړ.
هغوی په دې غونډه، د افغان محصلینو د وېزو د نوي کولو، مخ پر زیاتېدونکۍ بېوزلۍ او بشري بحران ته د رسیدګۍ او د یوې ټولګډونه سیاسي پروسې لپاره د سیاسي فضا په رامنځ ته کولو خبرې اترې وکړې.
د دې غونډې جوړونکي بنسټ ویلي، دغه لیدنې د نړیوالو تعملاتو د پیاوړتیا او د افغانستان د راتلونکې د ملاتړ د جذب په چوکاټ کې جوړې شوې وې.
د دې بنسټ په وینا، د غونډې ګډونوالو د دیپلوماتانو، سفیرانو، د برېتانیا پارلمان د استازو او سنا د غړو په ګډون د نړیوالو شریکانو سره د متقابل درک د رامنځ ته کولو، د افغان وګړو، د زده کړې، برابرۍ او ګډون پر بنسټ ولاړ راتلونکې د ملاتړ په اړه خبرې اترې وکړې.
د «باور او همغږۍ په لور» دویمه دوري ناسته، د افغانستان لپاره د ښځو بنسټ په نوښت او د طالبانو د لسګونو مخالفانو، ګوندونو د استازو، سیاسي او مدني فعالانو په ګډون په لندن ښار کې جوړه شوې وه.
د دې بنسټ کوربه، د افغانستان لپاره د ښځو بنسټ، پرون اعلان وکړ، چې دا دوه ورځنۍ غونډه، په افغانستان کې اوسني بحران ته د رسیدګۍ په پار جوړه شوې ده.
