د افغانستان د ولسي جرګې پخواني غړي بکتاش سیاووش، د افغان ښځو او نجونو د حقونو د دفاع په پار، د اروپايي ټولنې د پارلمان مخې ته خېمه وهلې
رخشانه: سیاووش تېره ورځ (چهارشنبې د وري ۱۲ مه) په خپله اېکس پاڼه د یوه پوسټ په خپرولو سره، په افغانستان کې د جرم په توګه جنسیتي توپیر د په رسمیت پېژندنې غوښتنه کړې ده.
هغه لیکلي: «د وطن د ښځو د حقونو د دفاع په پار، د اروپايي ټولنې د پارلمان مخې ته د پرلټ خېمه په لومړۍ ورځ د خلکو له لیدونو او د ملاتړ له اعلان سره مل وه.»
د هېواد د پارلمان دې غړي، له اروپايي ټولنې غوښتي، چې افغانستان کې له بشري حقونو دفاع وکړي او «دوه ګونو چلندونو ته» پای ټکی کېږدي.
سیاووش لیکلي: «نه شو کولی په خبرو کې د ښځو له حقونو دفاع وکړو او په عمل کې له ترهګرو سره ديپلوماتیک تعامل وشي، نه شو کولی هغه سیستم چې د بشري حقونو ځپلو او سرغړاوي ته مشروعیت ورکوي، عادي کړو، هغه کسانو ته چې ښځې غلې کوي لاس ورکړو او له هغه کسانو سره، چې زده کړې جرم ګڼي، سزا ورکړل شي.»
هغه پر دوام ټینګار کړی «هغه کسانو ته چې په وېرولو حکومت کوي، دیپلوماتیک مشروعیت مه ورکوۍ. کله چې په خوله د بشري حقونو شعار ورکوی، په عمل کې طالبانو ته مشروعیت، پیسې او اعتبار مه ورکوۍ.»
د هېواد د پارلمان دې غړي په افغانستان کې د جرم په توګه د جنسیتي توپير د په رسمیت پېژندولو غوښتنه کړې ده.
هغه له اروپايي ټولنې غوښتي، چې له طالبانو سره د اړیکو له عادي کولو ډډه وکړي او «په رسمي ډول» دا ډله د یوه ترهګر سازمان په توګه په رسمیت وپېژني.
سیاووش په پای کې ټينګار کړي، چې اروپايي ټولنه باید «دوه ګونو چلندونو ته پای ټکی کېږدي، چوپتیا ماته کړي، ځکه د دې ظلم او ځپنې په وړاندې چوپتیا، د بې پرېتوب چوپتیا نه، بلکې له طالبانو سره ملګرتیا ده.»
طالبانو د ۲۰۲۱ په اګست کې واک ته له رسېدو وروسته، د افغان ښځو او نجونو پر حقونو او بنسټیزو خپلواکیو سخت او پراخ محدودیتونه لګولي دي.
په تېرو کابو پنځو کلونو کې په ور وار د بشري حقونو فعالانو او معترضو ښځو، د ښځو او نجونو په وړاندې یې محدودیتونه د جنسیتي توپیر بېلګه ګڼلې او د نړیوالې ټولنې له لوري یې د هغې په رسمیت پېژندلو غوښتنه کړې ده.
