بدخشان کې سیمه ییزه سرچینې وايي، د دې ولایت «ارګو» ولسوالۍ کې د طالب ځواکونو او خلکو تر منځ د «کوکنارو ګروند اړولو» پر سره یو ماشوم وژل شوی دی.
رخشانه: دا پېښه پرون (جمعه د غوايي ۱۸ مه) د ارګو ولسوالۍ «آتین جلو» کلي کې رامنځ ته شوې ده.
ارګو کې دوه سیمه ییزه سرچینو ویلي، دا ماشوم حنظله نومېده او ۹ کاله عمر یې درلود.
د طالبانو د سرچینو په وینا، طالبان د کوکنارو کروندونو اړلو په موخه دې ولسوالۍ ته تللي وو، خو د سیمې د خلکو له اعتراض او لاریون سره مخ شول.
سرچینې زیاته کړې، د دې اعتراضونو او لاریونو په جریان کې طالب ځواکونه د ځايي اوسېدونکو سره په نښته شول.
د سرچینو د خبرو له مخې، طالب ځواکونو د سیمې د خلکو سره د نښتې پر مهال، پر هغوی ډزې وکړې، چې په پایله کې یې یوه ماشوم ژوند له لاسه ورکړ.
طالب ځواکونو د بدخشان «ارګو» ولسوالۍ کې د کوکنارو کروندو اړولو لپاره، د سیمې یو شمېر اوسېدونکي د کارګرو په توګه بېول.
سرچینو ادعا کړې، د طالب ځواکونو په سیمه کې په مېشتېدو سره، خلک اړ کول چې درې وخته ډوډۍ ورته تیاره کړي. دا موضوع د سیمې د خلکو د غوسې راپارېدو سبب شوې ده.
تېر کال هم د دې ولایت په ارګو، جرم، خاش ولسوالیو کې د کوکنارو کروندو اړولو پر سر د طالب ځواکونو سره جګړه کې څو تنو ته مرګ ژوبله اوښتې وه.
