بدخشان کې سیمه ییزې سرچینې وايي، د دې ولایت یمګان ولسوالۍ کې د ځمک ښوویدنې له امله څلورو ماشومانو ژوند له لاسه ورکړی دی.
رخشانه: دا پېښه پرون (جمعه د غوايي ۱۸ مه) د یمګان ولسوالۍ «وجن اوشنګان علیا» کلي کې رامنځ ته شوې ده.
یمګان کې دوه محلي سرچینو ویلي، دا ماشومان د تناره (نغري) د خاورې راوړلو لپاره د یوې خاورینې پوښتې ګوګ ته ننوني وو.
سرچینې زیاته کړې، هغوی د دې خاورینې پوښتې د ناڅاپي ښوویدو له امله لاندې شوي او ژوند یې بایللی دی.
دا ماشومان، عبدالرحمان، عبدالغني، سلیمان او عبدالعزیز نومېدل او په ترتیب سره، ۱۵، ۱۳، ۱۳، او ۱۰ کلن وو.
دا څلور واړه ماشومان د یوې کورنۍ غړي وو.
هر کال د پسرلي په موسم او د ځمکې د نرمښت له آمله، ورته پېښې د هېواد په یو شمېر ولایتونو کې رامنځ ته کېږي او له خلکو قرباني اخلي.
