د طالبانو د عامې روغتیا وزارت ویلي، په ټول هېواد کې ۱۱ زره او ۲۶۰ تنه په تلسمیا ناروغۍ اخته دي، چې ۵ زره او ۱۳۷ تنه یې نارینه او ۶ زره او ۱۳۲ تنه یې ښځې دي.
رخشانه: دې وزارت نن (شنبې د غوايي ۱۹ مه) د تالسمیا ناروغۍ نړیوالې ورځې په تړاو کابل کې د یوه پروګرام پر مهال دغه شمېرې خپرې کړې دي.
د طالبانو د عامې روغتیا وزارت د وینې ملي بانک آمر نیازګل نیازمند ویلي، دا مهال کابل کې په تلسمیا ناروغۍ له یو زر ۵۰۰ څخه زیات کسان ثبت شوي دي.
هغه زیاته کړې، له دې شمېر ناروغانو ۷۹۷ تنه نارینه او ۷۱۹ نورې ښځې دي.
طالبانو ادعا کړې، چې په تلسمیا ناروغۍ اخته کسانو د ښې درملنې لپاره یې هېواد کې یو ځانګړی مرکز جوړ کړی، چې همدا اوس په کې سلګونه ناروغان تر درملنې لاندې دي.
طالبانو له نړیوالو بنسټونو او سوداګرو غوښتي، چې هېواد کې د تلسمیا ناروغۍ پراخېدو د مخنیوي لپاره له دې ډلې سره مرسته وکړي.
تلسمیا د ویني ارثي او جنتیکي ناروغي ده، چې په کې د شخص بدن په کافي اندازه یا روغ هموګلوبین نه شي تولیدولی.
دغه ناروغي د وینو د سرو کرویاتو او وینو د شدیدو کمېد لامل کېږي او د اکسیجن لېږد ګډوډوي.
د دې ناروغۍ نښې، ستړیا، کمزوري، د رنګ الوت، د پوست زېړوالی، هډوکو کې بدلون او توري (تلي) د غټېدو لامل کېږي.
