د بامیان ولایت د یکاولنګ نمر یک ولسوالۍ کې ځايي سرچینې وايي، طالبانو په دې ولسوالۍ کې پر ښځو د مخابراتي شبکو د سیمکارتونو پلورل بند کړي دي.
رخشانه: یکاولنګ نمبر یک ولسوالۍ کې لږ تر لږه دریو سرچینو د هویت پټ ساتو سره رخشانې رسنۍ ته ویلي، دا محدودیت له شاوخوا دوه اونیو راهیسې لګول شوی دی.
سرچینې وايي، طالبانو د مخابراتي شبکو استازولیو ته ویلي، چې پر ښځو د سیمکارتونو د پلورلو حق نه لري.
د سرچینو په وینا، طالبانو د مخابراتي شبکو استازولیو ته ویلي دي: «ښځو ته سیمکارتونه مه ورکوۍ، ځکه چې نارینه خرابوي.»
یوه سرچینه چې تازه د «اتوما» مخابراتي شبکې سیم کارت اخیستو لپاره د یکاولنګ نمبر یک ولسوالۍ کې «نېک» ته تللې، د سیمکارت پلورونکي استازي هغې ته استازولۍ ته د ننوتو اجازه ورنه کړه او ویې ویل، چې ښځې د سیم کارت اخیستو حق نه لري.
د سرچینې په خبره، د نورو مخابراتي شبکو سیم کارت پلورونکو استازولیو یکاولنګ کې د طالبانو د امنیه قوماندانۍ په انګړ کې دي او طالبان ښځو ته هغه ځای ته د ورتګ اجازه نه ورکوي.
بلې سرچینې هم ویلي، چې د یکاولنګ ولسوالۍ نېک بازار کې د «اتوما» مخابراتي شبکې د سیم کارت پلورلو استازولۍ دې ته سیم کارت نه دی ورکړی.
د «اتوما» مخابراتي شبکې سیم کارت پلورونکي استازي ویلي، چې د طالبانو په امر یې په ښځو د سیم کارت پلورلو اجازه نه ده ورکړې.
تر اوسه د بامیان ولایت یکاولنګ نمبر یک ولسوالۍ کې ځايي طالب چارواکو په دې اړه څه نه دي ویلي.
