د انګلستان کرکټ بور او ولز (ECB) اعلان کړی، چې د افغان جلاوطنه ښځینه کرکټ لوبډلې لوبغاړي په یوه تاریخي سفر کې انګلستان ته ځي.
رخشانه: دې بورډ ویلي، د افغان جلاوطنه ښځینه کرکټ لوبډلې لوبغاړي به د روان کال د جون په ۲۲ مه، انګلستان ته خپل تاریخي سفر پل کړي.
د انګلستان کرکټ بورډ او ولز (ECB) په اعلامیه کې راغلي، دا سفر «له لوړ کلتوري او ورزشي ارزښت څخه برخمن دی» او په دې سفر کې به د دې ټیم ۲۰ غړي انګلستان ته سفر وکړي.
د افغان جلاوطنه ښځینه کرکټ لوبډلې لپاره په دې سفر کې ۲۰ اوریزه او او تمریناتي لوبې شاملې دي. همدارنګه دوی به د ۲۰ اوریزه نړیوال جام په پایلوبو کې، چې په انګلستان کې تر سره کېږي، حضور ولري.
د افغان جلاوطنه ښځینه کرکټ لوبډله، چې د ۲۰۲۱ په اګست کې د طالبانو تر بیا واک ته رسېدو وروسته، استرالیا ته پناه وړې وه، خپله لومړۍ لوبه یې په ۲۰۲۵ کال په جنورۍ کې، د دې هېواد په ملبورن ښار کې تر سره کړه.
د کرکټ نړیوالې شورا د تېر میلادي کال اپرېل کې د کډوالو ښځینه افغان لوبغاړو د ملاتړ په پار یوه ځانګړې کاري ډله جوړه کړې وه.
دې شورا د انګلستان، اسټرالیا او هند د کرکټ پلاوي په مرسته، د دې لوبغاړو لپاره ملاتړی مالي صندوق جوړ کړ.
په جلاوطنۍ کې د افغان ښځینه کرکټ د ملي لوبډلې لوبغاړو څه موده وړاندې د کرکټ نړیوالې شورا (ICC) څخه د په رسمیت پېژندلو غوښتنه کړې وه.
هغوی د کرکټ له نړیوالې شورا غوښتي، چې د فټبال نړیوال فدراسیون «فیفا» په څېر او پیروی، دوی د یوې ملي لوبډلې په توګه په رسمیت وپېژني.
د افغانستان جلاوطنه کرکټ ښځینه ملي لوبډلې لوبغاړو په وروستیو میاشتو کې د روزنیزه کمپونو په تمرینونو کې ګډون وکړ او ټاکل شوې، ادینبرو او سکاټلنډ ښارونو کې د کرکټ نړیوالې شورا په غونډه کې ګډون ولري.
