ملګرو ملتونو (United Nations) اعلان کړی، چې ښځې او نجونې له نورو زیاتې له اقلیمي بدلونونو زیان ویني، ځکه هغوی د نړۍ د بېوزله نفوس تر ټولو لویې برخه جوړوي.
رخشانه: دې بنسټ نن (سه شنبې د غبرګولي ۵ مه) په خپله اېکس پاڼه د یوه پوسټ په خپرولو سره لیکلي، په کلیوالي سیمو کې تر د ډېره خواړو، اوبه او سون توکي چمتو کولو مسوولیت د ښځو او نجونو تر غاړې دی.
ملګرو ملتونو ویلي، د وچکالۍ او نامنظمو ورښتونو په وخت کې، ښځې او نجونې د جنسیت پر بنسټ تاوتریخوالي سره مخ کېږي، ځکه اقلیمي بدلونونه، جګړې، نابرابرۍ او زیانمنتوب زیاتوي.
دې بنسټ زیاته کړې، ښځې د طبیعي پېښو لکه، زلزلې، طوفان او اورلګېدو پرمهال د نورو په پرتله زیات مسوولیت لري، ځکه هغوی د ناورین پر مهال لومړنۍ ځواب ویوونکې دي.
د ملګرو ملتونو اعلامیه راوړي: «کله کې چې د سخت هوا له امله سخت آفتونه رامنځ ته کېږي، ښخې او ماشومان د نارینه وو په پرتله ۱۴ ځله ډېر د مړینې احتمال لري، ځکه چې د تګ راتګ محدودیتونو او معلوماتو ته محدود لاسرسی شتون لري.»
ملګرو ملتونو آټکل کړی، له پنځو تنو چې د اقلیمي بدلونونو له امله کډه کېږي، څلور تنه یې ښځې او نجونې دي.
دې بنسټ زیاته کړې، اقلیمي بدلونونه کولی شي اړین خدمات، لکه بدني روغتیايي څارنې او د ښځو او نجونو امیدواري ګډوډه کړي او پر هغوی باندې منفي اغېزې ولري.
ملګرو ملتونو ویلي، ښځې د نړۍ د خوراکي توکو د نیمايي تولید مسوولیت لري. هغوی په پرمختلولو هېوادونو کې ان ۸۰ سلنه خوراکي توکي تولیدوي.
د ملګرو ملتونو په وینا، ښځې سرچینو لکه، د ځمکې مالکیت مالي باور، زده کړو او ټیکنالوژۍ حقونو ته لږ لاسرسی لري.
دې بنسټ ټینګار کړی، چې ښځې د نارینه وو په پرتله، دوه نیم ځله ډېرې بې تنخوا کورني او د پاملرنې کارونه تر سره کوي.
