د «افغان ښځو د سیاسي ګډون شبکې» یو شمېر غړو هرات کې د طالبانو له لوري د ښځو د نیونې غبرګون کې، تهران کې د افغانستان سفارت مخې ته اعتراض وکړ.
رخشانه: د دې اعتراضي غورځنګ غړو نن (پشنبې د غبرګولي ۲۱مه) د طالبانو له لوري د ښځو او نجونو نیول وغندل او هغه یې له بشري حقونو سرغړونه وبلله.
د افغان ښځو د سیاسي ګډون شبکې و ویل: «په ښځو د طالبانو محدودیتونه به نه یوازې د هغوی غږ غلی نه کړي، بلکې بلکې د ښځو هوډ به د خپلو حقونو او خپلواکیو څخه د دفاع لپاره لا پیاوړی کړي.»
هغوی له ملګرو ملتونو، نړیوالو بنسټونو، د بشري حقونو له مدافعینو وغوښتل، چې د افغانستان د روان وضعیت په اړه بې غوره نه شي.
همدارنګه معترضو ښځو له نړیوالې ټولنې غوښتي، چې د خپلو سرو نیونو، د ښځو د ځپلو او د بشري حقونو د پراخ سرغړاوي، د مخنیوي لپاره عملي اقدامات وکړي.
طالبانو هرات کې د روانې اوونۍ د شنبې ورځې راهیسې د یوې پرېکړې په ترڅ کې لسګونه ښځې او ځوانې نجونې د بې حجابۍ په تور له ښار څخه نیولې دي.
د طالبانو له لوري د ښځو نیونې پراخ غبرګونونه راپارولي دي. د هرات د جبرئیل ښارګوټي یو شمېر اوسېدونکو د سه شنبې په ورځ، د دې پېښې په غبرګون کې اعتراضي غونډه وکړه.
د هرات د جبرئیل ښارګوټي د اوسېدونکو دا اعتراضي غونډه د طالبانو له لوري په تاوتریخوالي ډکه توګه وځپل شوه. طالبانو په لاریونیانو مخامخ ډزې وکړې، دوه تنه یې و وژل او څو تنه نور یې ټپیان کړي دي.
