کاناډا کې مېشتو یو شمېر افغان کډوالو په یوه اعتراضي غونده کې له افغان ښځو په ملاتړ ټینګار وکړ او د طالبانو تر واک لاندې افغانستان کې یې د هزاره ګانو د نسل وژنې او جنستي توپیر د په رسمیت پېژندنې غوښتنه وکړه.
رخشانه: دغه اعتراضي غونډه پرون یکشنبې د (غبرګولي ۲۴ مه) د افغان کډوالو، بشري حقونو فعالانو او د ښځو د حقونو مدافعینو په ګډون، د کاناډا تورنتو ښار کې جوړه شوې وه.
د دې غونډې ګډنوالو د طالبانو تر واک لاندې افغانستان کې په پراخو بشري سرغړونو، جوړښتي ځپنې او جنسیتي توپیر په وړاندې اعتراض څرګند کړ او له افغان ښځو او نجونو، په ځانګړې توګه له هراتي ښځو سره یې پیوستون اعلان کړ.
کاناډا کې افغان کډوالو په یوه پرېکړه لیک کې ویلي، افغانستان نن ورځ د بشري حقونو له ژور بحران سره مخ دی، د ښځو او نجونو په وړاندې د طالبانو پراخ محدودیتونه د دې لامل شوي، چې هغوی له عمومي ژوند څخه حذفې شي.
د دې غونډو ګډنوالو ویلي دي، دا وضعیت د بشري حقونو ښکاره سرغړونه او له عمومي ژوند څخه د نیمايي ټولنې د حذفولو هدفي هڅې دي. دوی د نړیوالو حقونو په چوکاټ کې د افغان ښځو په وړاندې جنسیتي توپیر، د جرم په توګه د پېژندنې غوښتنه وکړه.
معترضینو د طالبانو له خوا د سوله ییزه اعتراضانو ځپل وغندل او ژر تر ژره یې د ټولو ښځو، مدني فعالانو، خبریالانو او د بشري حقونو د مدافعینو د خوشي کېدو غوښتنه وکړه.
همدارنګه کاناډا کې افغان کډوالو، افغانستان کې د مذهبي او قومي لږکیو په وړاندې د جوړښتي تبعیض څخه اندېښنه څرګنده کړه.
دوی له نړیوالې ټولنې او د بشري حقونو سازمانونو څخه غوښتي، چې د هزارګانو نسل وژنه په رسمیت وپېژني او د هغې د درېدو لپاره ګام پورته کړي.
همدارنګه معترضینو له ملګرو ملتونو، کاناډا له دولت، دموکراتیکو دولتونو او د بشري حقونو له بنسټونو غوښتي، چې د افغانستان د وضعیت په وړاندې غلي پاتې نه شي.
دوی همداراز د جنسیتي تبعیض د نظام ختمولو، نجونو لپاره د ښوونځیو او پوهنتونو بیا پرانستو، د کار حق د برابرولو، د ښځو د زده کړو او ټولنیز ګډون، د ټولو سیاسي بندیانو د خلاصون او د ښځو د سوله ییزه اعتراضونو د ځپلو بندېدو غوښتنه کړې ده.
