افغانستان کې د روغتیا نړیوال سازمان (WHO)په هېواد کې د پولیو ویروس یا ماشومانو د ګوزڼ د دوه مثبتو پېښو خبر ورکړی دی.
رخشانه: د روغتیا نړیوال سازمان پرون سه شنبې د (غبرګولي ۲۶ مه) په یوه راپور کې ویلي، د دې دوه پېښو په ثبت سره، په ۲۰۲۶ کال کې د پولیو ټولیزه پېښې شپږ مورده ته رسېدلې دي.
د روغتیا نړیوال سازمان په وینا، د پولیو تازه پېښې د کونړ ولایت په ناړې او هلمند ولایت په نهرسراج ولسوالیو کې ثبت شوې دي.
د روغتیا نړیوال سازمان د راپور پر بنسټ، د دغه دوه ویروسونو پیل په ترتیب سره د ۲۰۲۶ کال د اپرېل ۱۴ مه او د می ۷ مه دي.
یاد سازمان ویلي، د کونړ ولایت پېښه د مثبت تماس د پېژندلو له لارې تشخیص شوې ده.
د دې سازمان په وینا، په ۲۰۲۶ کال کې تر اوسه پورې په نړۍ کې د پولیو د ۹ مثبتو پېښو راپور ورکړل شوی، چې د هغو ۶ پېښې په افغانستان او درې نور یې په پاکستان کې دي.
د پولیو ویروس مثبتې پېښې په کال ۲۰۲۵ میلادي کې ۵۲ مورده وې، چې ۲۱ هغه یې په افغانستان او ۳۱ نور یې په پاکستان کې ثبت شوې وې.
افغانستان او پاکستان په نړۍ کې یوازیني هېوادونه دي، چې تر اوسه د پولیو ویروس یا د ماشومانو ګوزڼ په لمنځه وړلو نه دي بریالي شوي.
