سمنګان کې ځايي طالب چارواکي وايي، د دې ولایت د خرم سارباغ ولسوالۍ کې د ځمکې ښووید له امله درې ماشومانو خپل ژوند له لاسه ورکړی دی.
رخشانه: د خرم سارباغ ولسوالۍ لپاره طالب ولسوال پيرجان مبارز ځايي رسنیو ته ویلي، دا پېره تېره ورځ ماریګر مهال (چهارشنبې د چنګاښ ۳ مه) د خرم سارباغ ولسوالۍ په «تاتارچل» کلي کې رامنځ ته شوې ده.
هغه ویلي، پېښه هغه مهال رامنځ ته شوې، چې یو شمېر ماشومان په یوه تفریحي ساحه کې په لوبو بوخت وو، چې ناڅاپه خاورینه پوښته وښویده او درې تنه ماشومان یې د خاورې تر انبارونو لاندې کړل.
ویل کېږي د پېښې له رامنځ ته کېدو وروسته د سیمې خلکو د ځايي طالب مسوولینو په همکارۍ، د ماشومانو د ژغورلو لپاره ساحې ته ورغلل او د ژغورنې عملیات یې پيل کړل، خو ماشومانو له ژغورل کېدو مخکې ژوند بایللی وو.
طالب ولسوال پیرجان مبارز ویلي، د دې پېښې قرباني ماشومان، ۱۱،۱۳ او ۱۵ کلن او د دې ولسوالۍ د «تاتارچل» کلي اوسېدونکي وو.
دا ډول طبعيي پېښې وخت ناوخت له ماشومانو او ښځو قرباني اخلي.
