له افغان رسنیو د ملاتړ سازمان (AMSO) اعلان کړي، چې پاکستان کې مېشت لسګونه خبریالان او رسنیز کارکوونکي، د دې هېواد د کورنیو چارو وزارت د بې اسنادو بهرنیو اتباعو د توقیف او شړلو له پرېکړې وروسته، په پاکستان کې مېشت لسګونه افغان خبریالان او د رسنیو کارکوونکي د جبري شړولو له ګواښ سره مخ شوي دي.
رخشانه: امسو د دوشنبې په ورځ (د چنګاښ ۸مه) د یوې اعلامیې په خپرولو سره د پاکستان د کورنیو چارو وزارت د هغې پرېکړې په اړه خپله ژوره اندېښنه څرګنده کړه، چې د بې اسنادو کډوالو د توقیف او شړلو په اړه یې کړي دي.
دې سازمان ویلي، دا مهال لسګونه خبریالان، رسنیز کارکوونکو، افغان وګړو او د هغوی د کورنیو غړي، چې د جدي امنیتي ګواښونو له امله یې پاکستان ته پناه وړې ده، د ویزو د تمدید او استوګنې په برخه کې له پراخو ستونزو سره مخ کېږي او د نیولو او جبري شړلو له ګواښ سره مخ دي.
امسو د پاکستان له دولته غوښتي، چې د د بشردوستانه ملحوظاتو په پام کې نیولو سره، افغان خبریالان، د رسنیو کارکونکي او د هغوی د کورنیو غړي د نویلو او جبري شړلو له پروګرام څخه لرې کړي.
دې سازمان ویلي، له پاکستان نه د افغان خبریالانو ایستل، د هغوی ژوند د طالبانو د حاکمیت په سیوري کې د جدي خطر سره مخ کوي.
په اعلامیه کې راغلي، چې د بشري حقونو د نړیوالې اعلامیې د ۱۹ مادې پر بنسټ د بیان آزادي د هر انسان اساسي حق دي.
له افغان رسنیو د ملاتړ سازمان، همدارنګه په پاکستان کې له مسوولو ادارو غوښتي چې د هغو خبریالانو د وېزې او استوګنې جوازونو، د غځولو لپاره اړینې اسانتیاوې برابري کړې، چې درېیم هېواد ته د لېږد په تمه دي.
دغه راز دې بنسټ د ملګرو ملتونو له مسوولو سازمانونو غوښتي، له پاکستان نه د افغان خبریالانو د لېږد پروسه درېیم ګړي هېواد ته ګړندۍ کړي.
د طالبانو په بیاواکمنېدو سره سلګونه خبریالان او د رسنیو کارکوونکي پاکستان ته ولاړل او یو درېیم ګړي هېواد ته تګ په تمه دي.
مخکې د بې پولې ډاکترانو سازمان هم ویلي وو، یو شمېر افغان خبریالانو، چې د طالبانو له بیاواکمنېدو وروسته پاکستان ته پناه یوړه، د افغانستان او پاکستان تر منځ د وروستي کړکېچ له امله نیول شوي او افغانستان ته له شړلو سره مخ دي.
پاکستان له څه باندې یو کال راهیسې له هېواده د بې اسنادو کډوالو د ایستلو لړۍ ګړندۍ کړې ده.
په دې وروستیو کې د پاکستان د کورنیو چارو وزارت خپلو ولایتونو او امنیتي ادارو ته یو نوی لارښود خپور او اعلان یې وکړ، چې د جولای له لسمي نېټې څخه به ټول هغه افغان وګړي، چې قانوني وېزې نه لري ونیول شي او له هېواده به وشړل شي.
