افغانستان کې د روغتیا نړیوال سازمان (WHO) روان میلادي کال په ننګرهار، هرات او هلمند ولایتونو کې د پولیو ویروس یا ماشومانو د ګذڼ د څلورو نویو پېښو د ثبت خبر ورکړی دی.
رخشانه: دې سازمان نن (چهارشنبې د چنګاښ ۲۴ مه) ویلي، دوه نوې پېښې د ننګرهار په بهسود او روداتو ولسوالیو کې، یوه پېښه د هرات شینډنډ او یوه بله پېښه د هلمند ولایت په موسی کلا ولسوالۍ کې ثبت شوې دي.
د روغتیا نړیوال سازمان زیاته کړې، د هرات په شینډنډ ولسوالۍ کې د پولیو یوه مثبته پېښه د «مثبتو تماسونو» د پېژندنې له لارې کشف شوې ده.
دغه سازمان شاخوا یوه میاشت وړاندې هم په کونړ او هلمند ولایتونو کې د پولیو د دوه نویو پېښو د ثبت خبر ورکړی وو.
د دې سازمان په وینا، د روان میلادي کال له پیله تر نن پورې ۱۴ مورده په نړۍ کې د پولیو د ۱۴ مثبتو پېښو راپور ورکړل شوی، چې ۱۱ د هغو په افغانستان او ۳ نور یې په پاکستان کې دي.
د روغتیا نړیوال سازمان زیاته کړې، روان میلادي کال په افغانستان کې کې تر اوسه د پولیو ویروس ۴۶ چاپېریالي بېلګې ثبت شوې دي.
د دغه سازمان د راپور له مخې، په افغانستان کې د جون په میاشت کې د پولیو ۱۲ نوې چاپېریالي نمونې هم مثبتې ثبت شوې، چې پنځه نمونې یې په کندهار، څلور په ننګرهار، دوه په کابل او یوه بله یې په هلمند کې دي.
افغانستان او پاکستان په نړۍ کې دوه هېوادونه دي، چې تر اوسه د پولیو په لمنځه وړلو نه دي بریالي شوي.
