د ملالې بنسټ (Malala Fund) یو له هغو بنسټونو چې تل یې «افغانستان کې د جنسیتي توپیر» موضوع تعقیب کړې ده، ویلي، ۱۴ هېوادونو د بشریت ضد جرم تړون کې «افغانستان کې د جنسیتي توپیر» د ځایولو له طرحې ملاتړ وکړ.
رخشانه: دې بنسټ نن (چهارشنبې د چنګاښ ۳۱ مه) په یوه اعلامیه کې لیکلي، د «جنسیتي توپیر» طرحه، د افغان ښځو او نجونو اړوند د ځواب وینې، د دولتونو د اقداماتو او حقوقي تګلارو لارې تعقیبوي.
د ملالې بنسټ په اعلامیه کې راغلي، د ۲۰۲۱ کال راهیسې، چې طالبان واک ته رسېدلي، افغان ښځې او نجونې د حذف، سزا، کابو او ولکې کولو پر بنسټ ولاړ نظام سره مخ شوې او د عمومي ژوند له ټولو برخو حذف کړای شوې دي.
دې بنسټ په خپله اعلامیه کې «په افغانستان کې د جنسیتي توپیر» څو پېښو، له هغې جملې په هرات کې د اجباري حجاب مقرراتو سخت پلي کولو په دلیل، د لسګونو ښځو نیولو او د دې نیونو په غبرګون کې د هرات د جبرییل ښارګوټي د اوسېدونکو اعتراضي غونډو ته اشاره کړې ده.
دې بنسټ لیکلي، د روان میلادي کال په اپریل میاشت کې، اسټرالیا، ایسلنډ، مکزیک، اسپانیا، ختیځ تېمور، اروګونه او په ملګرو ملتونو کې د افغانستان دایمي استازولۍ، په رسمي ډول، د بشریت ضد جرم معاهده کې «په افغانستان کې د جنسیتي توپیر» ځایولو پیشنهاد وړاندې کړ.
د دې بنسټ په وینا، د دې طرحې له وړاندې کولو د څو میاشتو په تېرېدو سره، اوس هغو هېوادونو چې ملاتړ یې تر کاوه، ۱۴ هېوادونو ته رسېدلي او دا په دې مانا ده، چې «په افغانستان کې د جنسیتي توپیر» موضوع، په رسمي ډول د ۲۰۲۸ کال په جنورۍ کې د پیل کېدونکو خبرو اترو په اجنډا کې ځای شوې ده.
ملالې بنسټ ویلي، تر هغې وخته، همدارنګه دولتونه کولی شي، «په افغانستان کې د جنسیتي توپیر» په اړه وړاندیزونه، د بشریت په وړاندې جرم معاهدې ته وړاندې کړي یا له شته وړاندیزونو سره یو ځای شي.
دې بنسټ لیکلي دي، د «ښځینه وو د بهرني سیاست د وزیرانو پنځم کنفرانس» کې چې د روان کال د جون په ۲ مه او ۳ مه په هسپانیا کې تر سره شو، ګډون کوونکو دولتونو په نړیواله کچه د جنسیتي عدالت پر پلټنې ټینګار وکړ.
د دې ناستې په وروستۍ بیانیه کې راغلي، ګډون کوونکي دولتونه په نړۍ کې، د ښځو له حقونو، فمینیستي غورځنګونو او د جنسیتي ځپنې د عامیلینو د حساب ورکولو څخه ملاتړ کوي.
دې دولتونو په دغه غونډه کې ژمنه وکړه، چې د لومړي ځل لپاره په هېوادونو، له هغې جملې په افغانستان کې، د ښځو او نجونو د ځپنې بنسټیز شوی سیستم په رسمیت وپېژني.
ملالې بنسټ ویلي، د روان میلادي کال په آپریل میاشت کې، ملالې یوسف زی د سکاټلنډ له لومړي وزیر جان سوئیني سره وکتل او په نړیوالو حقونو کې یې د جنسیتي توپیر د جرم په توګه رسمیت پېژندلو په اړه یې ورسره خبرې اترې وکړې.
دې بنسټ سویلي افریقا ته «د افغان ښځو ولسي محکمې» د پلاوي سفر ته اشاره کړې وايي، د سفر موخه په سویلي افریقا کې د مدني ټولنې او له جنسیتي توپیر سره د مبارزې د مشرانو سره پیوستون او د عدالت تر لاسه کولو او طالبانو ځواب ویوونکي کولو لپاره د نړیوالو هڅو پیاوړتیا وه.
